حياتي يا استنكار ليش مستغربة
ومين قال انو الشباب وانجازاته مختص بعمر معين
وقت تعيشي بالغربة وتشوفي المرأة بعمر الا40 بتبدأ حياتها وبتعيشها بالطول وبالعرض وبتدلع نفسها بتعرفي قيمة وحلاوة هالعمر
عندي صديقات اكبر مني ب11 سنة واولادهن شي اتزوج وشي خلص جامعات
ومن عمر الاربعين صاروا يعيشوا حياتهم لانو صاروا يقدروا يتركوا اولادهم لوحدهم
بتلاقيهن بالليل بتروح هيي وزوجها لوحدهم يتعشوا ومن بعدها عالسينما
او بيروحوا سياحة لبلد لمدة اسبوع من دون اولاد
واهتمامهم بأنفسهم صار غير خفت المسؤولية وصارت المراة تهتم بشبابها وبأناقتها وبجسدها
يعني بتقولي رجعوا يعيشوا ايام شهر العسل من أول وجديد
ومستحيل اذا شفتيهم تقولي اعمارهن بال47 او 45
مثلا انا هلئ ابني عمره 12 اما وقت ماما كان عمرها 34 ونصف انا كان عمري 17 ومخطوبة فأكيد اصحابي رح ينادولها تونت اي خالة
ولو مخطوبين او مزوجين
ونفس الاشخاص وقت نكون عم نتسوق ويعرفوا اني بنتها للوهلة الاولى رح ينصدموا انو انا بنتها بس لاحترامها وانو عندها بنت مخطوبة بينادولها خالة
قسما بالله وعلى ما أقول شهيد زوجي رح يصير 51 ولحد الآن بتحطيله عمر بال38 ان كان بالجسم او بالوجه وسبحان الله من حوالي
كم يوم اخي حكاني مكالمة شو حاكين هو واصحابه بس بعتلهن صورة زوجي
ورجع كتبلي هودي
وحتى صاحبه الاعزب قله انو انا مبين متل جده لزوج اختك
طبعا من باب المزح بس تعبير مجازي انو شكله مبين اكبر من زوجي
وماما اكبر من زوجي بسنتين وبابا اكبر من زوجي بخمس سنين
بس مبينين اكبر منو بكتير لانو كل حياتهم بس شغل وتعب وتضحيات لأجلنا
مع انو اصحابي بيقولولي اهلك بعدهن صغار كتير
بس مقارنة بزوجي مبينين اكبر بفارق
كرمال هيك العمر بيبقى رقم
وانا هلئ عندي احلام وطموحات ما حققتها بعمر العشرين
انشغلت بالزواج والاولاد
فهلئ صار الوقت حققها ولو صار عمري خمسين
كرمال هيك ناطرة عمر ال40 لانو الاولاد بيكونوا كبروا اكتر وبقدر اعطي لنفسي وقت اكتر
وبالشكل ما بحس اتغيرت وبعدهن حركاتي وحكياتي وتصرفاتي متل ما كنت قبل الزواج
فليش بدي خاف من العمر ورح يجي وقت اذا الله كتبلي عمر وصير بال50 واكتر
حلو كل مرحلة نعيشها من دون قيود
انا ضد صير صغر حالي لإتصابى
بل بفضل عيش بعفوية وعلى طبيعتي ولو كنت بعمر ال70 وروحي بعدها شباب شو المشكلة
بمزح مع الكبير والصغير وبصادق اصحاب اختي الصغيرة وكل بنات عمي وعماتي بنسهر سوا وقت انزل على بلدي وهني بالجامعات وشي بالمدارس وبنضحك سوا
وعاميلن جروبات بنحكي وكأنوا من عمر بعض
حتى زوجي من وقت ما اتزوجني كان يسهر مع اصحاب اخي وكانوا بعمر ال18 ولحد الآن بيسهر معهن وبيروح معهن عالصيد
والكل بيجي بيزوره ليسهروا معو
وخالتي الصغيرة من عمر اختي الوسطانية وزوجها من عمري شي 35
وبابا اكتر وقته عند زوج خالتي وزوج خالتي نفس الشي علاقتهم كتير قوية بمرتبة الاصدقاء
وبالنسبة لنظرة الناس ممكن لانو الكل حوليهن هيك تفكيرهن
بس وقت تعيشي بمجتمع بعضه ما بيفكر بهالنظرة ما عاد بيأثر فيك العمر
