تسلميلي حبيبتي ربي يسعدك دنيا وآخرة
يا سبحان الله انت سمعتي وقت كنتي صغيرة انو سن الاربعين عجوز في الغابرين ممكن هالشي لعب دور
بس انا العكس وقت اتزوجت زوجي كنت بال١٩ وهو بال٣٤ وكان يضل يقول بتبدأ الفتاة بالنضوج بعمر ال٢٧ و بعمر الاربعين بتكتمل فيها الأنوثة والجاذبية
وخاصة وقت جيت على هالبلد كنت ادفع لباص الدولة شهريا اقل من زوجي لاني تحت سن ال٢٥ وهالشي بالفعل حسسني اني بعدني صغيرة وما وصلت لعمر كون فيه امرأة ناضجة وعندها خبرة
وبالفعل كنت شوف شباب بيفضلوا المرأة الاكبر منهم سنا وطبعا امراة مهتمة بحالها مش اي امرأة

وقريت كتير عن هالعمر من كم سنة وقت اسمع او شوف بسيدات بعمر الاربعين والخمسين وينقال كل ما بتكبر كل ما جمالها بيزيد
وبالفعل حبيته وحسيت ئديش فيه ايجابيات
طبعا ما لغيت الاستمتاع بعمر الثلاثين وبعد في خمس او اربع سنوات وما عندي احساس انو رح يكون في فرق
لانو الشعور والاحساس هو ذاته بكل عمر بس مع زيادة خبرة

بس متفائلة ومتشوقة لعمر الاربعين وراسمة احلام وردية اذا الله كتبلي عمر
وخاصة النقطة الاهم انو الاولاد بيكونا بعمر اقدر اعتمد عليهم وابعد عنهم بعض الوقت

وعلى فكرة النا دور انو نخلي الناس تنظر للمرأة بعمر الاربعين وما فوق بنظرة ايجابية
انا دايما بس ينفتح سيرة العمر تلقائيا بقول اكثر عمر فيه بتكون المرأة اكثر أنوثة وجاذبية وخبرة هيي بداية الاربعين وما فوق 😊😊😊

وهالشي بيترسخ بعقولهم وبالفعل بيصيروا يشوفوها من هيدا المنظار بغض النظر عن الألقاب اللي بتنقال الها سواء فلانة ، خالة ،أخت، مدام ام فلان، حجة ...الخ

ونصيحة اقرئي عن جمال عمر الاربعين وخدي هالجمال مع كل مرحلة عمرية وطبقيها

وسبحان الله اليوم حضرت برنامج لأمرأة من عامة الناس يعني مش من المشاهير
وكل ما يسالها المذيع ئديش عمرها تقلوا ٣٥ وتقلوا اصحابي بعمر ال٨٠ بنجتمع سوا
فيرد عليها ويقلها يعني عمرك بال٨٠ تقلوا لا انا بشوف حالي من جوا ٣٥
وعملت رياضة بالبرنامج متل ما بتعمل بالبيت
وكل يوم بتعمل ساعة رياضة واذا بتشوفي جسمها كتير مشدود وقال من دون عمليات تجميل بس بتحب المرح والتفاؤل وهالشي بيخلي روحها دايما شباب
حتى وجها مشدود وقالت من دون عمليات ولا اي شي تجميلي بس بتستعمل شي من شجرة الالوفيرا عندها ياها بالبيت بتحطه نصف ساعة على وجهها وبهالنصف ساعة لو دق الباب او رن التلفون ما بترد على اي حدا لينشف وجها وتغسله
قالت هيي من صغرها بتحب تهتم بنفسها ان كان رياضة او عناية بحالها

وبالفعل جسدها جسد بنت ٢٠ من دون مبالغة مشدود وجميل
وقالت مرات بتسهر هيي وصديقاتها لل٤ الصبح
وكان تفسيرها انو اذا صرت بعمر كبير المفروض ابقى بالبيت وارعى احفادي وانسى نفسي
وانها انسان من حقها تعيش متلها متل غيرها ان كانت صحتها منيحة وعندها قدرة وقوة فشو اللي بيمنع تعمل اللي بتحبه
وبالفعل اذا بتسمعيها عندها روح الدعابة والمرح وبترسم الضحكة على وجهك


شو بدك حلو الناس المتفائلين والاحلى انو مهما كانوا متألمين بيضلهن يلاقوا طاقة أمل وتفاؤل ليكملوا بروح ايجابية 😄😄😄

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه