اقتباس:
المشاركة الأصلية كتبت بواسطة Zainab123
انتي مو عارفة شنو تبغي والدليل في موضوعك اللي قبل هذا تقولي بما معناه (رحت ضميته وبكيت وقلت له أحبك لاتخليني ) ومن
هذا القبيل.. والآن تقولي أكرهه ..حددي موقفك انتي تبيه ولا ماتبيه؟
يمكن انتي تكوني أكبر سبب في حالتك هذه... من البداية تنازلتي عن أبسط حقوقك وسكتي واستسلمتي ...كيف استحملي وسكتي
عن ابسط وأقل الحقوق وهي الخروج والتنزه ..ممارسة الهوايات,الدراسه, والوظيفة!! سكتي واستسلمتي لزوجك طوال هذه السنين وهو يحسب انك راضيه والدليل سكوتك ..وبعد ماصار عندك أطفال فجأه انتفضتي وطالبتي بحقوقك..أكيد بيرفض...وطيب افرضي ان ماراح يتغير ,هل تشوفي انك تستطيعي تكملي حياتك معاه؟ اذا تبغيه يتغير ولا تبغي الأنفصال اشوف ان من اللازم ان يتدخل شخص من أهلك ويكون شخص حكيم ويكلمه ويقنعه بحاجتك انتي واطفالك للحرية , للخروج والتنزه والسماح لك بالدراسه أو الوظيفه ..على الأقل تكون لك متنفس من هذا الجو الخانق ...
|
من قال انا السبب في الاستسلام ع حسب كلامج؟
ثلاث سنوات من حياتنا اجلت الحمل عشان هالسبب.اقول لازم نكون في صورة مستقرة!
و طوال ٨ سنوات و انا اسعى احصل على رغباتي! لما كنت اتكلم له عن الوظيفة كان يقول لي كملي الدراسة اول و يصير خير.
انا حبيته يكون لي سند و امان و عز. اهلي ما كان عندهم حتى بيت ملك.و الحين ماشاء الله عندهم بيتين.و يسافرون بالمرتين و بالثلاث و عايشين رفاهية الحمدلله.
مع ذلك كنت اوضح له رغباتي و احلامي مو معناته ما عندنا بيت و حالنا المادي مو لهناك هذا يعني اني اقبل فقط بالاساسيات او ما يكون عندي طموح و رغبات.
انا حبيته يكون مستوعب ان انا كيان مستقل.صحيح اقوم بدوري كزوجة و كام بس هذا ما يمنع اكون انا و اسعى و احقق طموحي و احلامي.
اقدر اكمل حياتي معه،لكن اعيش شخصيته..
يعني انهاك عقلي نفسي!