منتدى عالم الأسرة والمجتمع - عرض مشاركة واحدة - بيتنا صالة العاب
عرض مشاركة واحدة
قديم 12-07-2017, 08:20 PM
  #9
أُقْحُوَآنّ ♡
عضو المنتدى الفخري
 الصورة الرمزية أُقْحُوَآنّ ♡
تاريخ التسجيل: Sep 2013
المشاركات: 4,197
أُقْحُوَآنّ ♡ غير متصل  
رد: بيتنا صالة العاب

اقتباس:
المشاركة الأصلية كتبت بواسطة زين ابيها مشاهدة المشاركة
😂 قتلتيني وانتي تقولين سباق هجن
طبعا اهنيج يا اقحوان ويا اسعد فتاة على طولت بالكم
😂 يبيلكم درع بعنوان ( زرع المجانين يحفظه رب العالمين )

هم فعلاً بعض الامهات چذي يفكرون
تولد من هني وتقطهم من هني .. وعبالها عيالها الظراف اللطاف جدا
المؤدبين جداً .. اللي وين ما تخليهم ما يتحركون
عبالها تُحف ..

عندي صديقة واختها
صديقتي عندها ولد واختها بنت
تخيلي وقت الوجبة شنو يسوون ..
يخلون لعيالهم في صحون كل واحد بصحن ويخلونهم ياكلون بروحهم
ويمسحون العيش والروب والذي منو في السيراميك
وعلى الطوف
وهم يصورونهم سناب ويضحكون
انه انقهر وانه ما لي خص!
أو يجون بيت ابوي كل اسبوع ، يتركون عيالهم يعيثون في الارض فساد
هم من الاهل فيعتبرون الامر ميانة
يدخلون المطبخ .. يكسرون البيض
و يصيون الماي وسط المطبخ
وياكلون فوق سرير اختي
وامهاتهم يضحكون ويصورون سناب..
😂😂😂 طبعاً ما املك طولة بالكم
من يطلعون اليهال بره الغرفة عطيتهم نداء مُزلزل
تعالووووووو اهنيه .. وعلى قولتج يبدأ سباق الهجن .. هم تقريبا 5 بنات بعيالهم
بس وحدة منهم ما تخلي بنتها تقوم من مكانها ما تحب هالحركات
ومن اشوفهم بياكلون فوق سرير اختي عطيتهم النظرة اللي يقولون ( اصلا ما نبي ناكل فوق السرير )
ولما صرت اشوفهم ياكلون ويمسحون يدهم بالطوف ..
قعدتهم جنبي
قلت لهم شفتوا اياديكم الصغيرة الوسخة
قالوا ايييي
قلت لهم حاليا فيها جراثيم واااايد
اذا ما انغسلت بالماي الجراثيم بتاكل اياديكم
وبتظلون بدون ايادي
😂😂😂😂 وصار البكاء الجماعي والغسيل الجماعي

وصاروا تقريبا تقريبا ماشيين عالعجين


اقول حبيبتي استفردي فيهم يوم واحد بدون وجود الوالدة
واعطيهم قوانين صارمة اللي يتجاوزها بيحصل شغله


أو كلمي الودود الولود بهدوء عل وعسى تتفهم





وسام واحد يا زين استحق كل اوسمة الدنيا
هم عارفين يا حبيبتي ان عيالهم يجيبون الامراض النفسية والعضوية
واخر همهم هالشي
بما انهم ماهم متضررين
نقدر مسألة ان البعض يحبهم حب استثنائي ويشوف كل شي يسوونه مثل العسل
وللأسف غيرهم ما يشوفه بهالشكل اوكي ببيوتكم كيفكم
لو يغطس وجهه بالصحن لكن شوية احترام للناس موب كذا
الحمد الله ما يسوون كذا ولا كان وجب القتل تعزيراً
بس عندنا نظام جديد بيتكم ازين من بيتنا يالله نخرب 😂💔
اعصب من الازعاج لكن بنفس الوقت احزن عليهم
وربي ما يدرون عنهم اذا هم عندنا ولا لا
ولا حتى رسالة واتس يسألون عنهم مهما تأخروا
يفتحون لهم الباب ويدرون ان الباب الرئيسي ينفتح اكثر من مره عشان تدخل السيارات
وعااادي طيب يا قليلين الادب على الاقل تاكدو انهم دخلو البيت
والله يازين حتى لو عمره سنتين ما يفرق معهم وكم مره كان بيصير حوادث اليمه بسبب الاهمال
برود برود موب طبيعي تنحرق اعصابي وهم عادي 🙄
على طاري النداء المزلزل يا شيخه اعطيهم زئير الأسد من كثر ما زأرت تقطعت حبالي الصوتية
وكل يوم استفرد فيهم واعاقبهم بس مابهم طب
ي عمري اللي عندك كيوت مصدقين الجراثيم بتاكل ايديهم
والله لو اقولها للهيلق اللي عندي
يقولون وش تبي ذي شياطين ما يمشي عليهم شي
ونقطة الودود الولود تكلمو معها خواتي بهدوء وتكلمت معها بغير هدوء
لكن مثل ما قلت قبل تسوي نفسها مجنونه ما تفهم


رد مع اقتباس