اختي لا تعتبرين هذا الموضوع مشكله كبيره وتسوين مشكله بينج وبين ريلج عشان هالشي

أحس والله أعلم ريلج عنيد
يعني هو يقدر يوديج لاهلج وياخذج لما يخلص شغله
بس السالفه سالفة عناد خاصة لما صور لج سناب شو يعني هذه الحركه

او انه اخوانه كلموه او حد قال له لا توديها دايماً ومن هالكلام
مب قصدي افتري على حد لكن اقول يمكن وفي وايد احتمالات

او يمكن شاف انج تنشغلين عنه لما تروحين بيت اهلج

المهم اختي
بالكلمه الطيبه واللين ان شاء الله تكسبين اللي تبينه
لا اتمين تحنين وتطلبين منه دايما يوديج بيت اهلج

ليش ماتكونين صداقه مع حريم حميانج ( اخوان ريلج ) وتقعدين مع ام ريلج
وممكن تطلعون مع بعض
او القعده والوناسه مع بعض


ولو عندج قسم خاص في بيت اهل ريلج
ليش ماتخلين امج وخواتج او حد من اهلج يزورج

وجربي تربطين زيارتج لاهلج بموضوع معين
مثلاً اذا بنتج ماعندها احد يلعب وياها
وبيت اهلج عندهم ياهال
قولي حرام تمل وتستوحش وهناك تستانس مع الياهال

ولاتبينين لريلج انج متعلقه في اهلج اكثر منه
يعني بيني الموضوع عادي ولا تنفعلين
مثلا قولي انا وامي وخواتي نحفظ قرآن على وسط الاسبوع ونتيمع ونراجع حفظنا مع بعض
وفعلاً طبقوا هذا الشي
المهم طلعي سبب ومايكون جذب

في رياييل سبحان الله يرتاحون لما يشوفون حريمهم بالبيت
وهذا طبع الريال وحسب البيئه واللي تربى عليه