لاحووول .. ليش محد حاس فيني ؟؟ ماعدا ورده بس فهمت علي ..

راح ارد عالكل بس بدون اقتباسات ..

انا ما اترك بيتي الا لسبب بس مو على أي شي .. ومافيها شي اذا طلبته ينزلني عند اهلي وهو طالع ولما يرجع يجيبني يعني ماراح يتأخر على دوامه اكون جاهزه و انزل قبله بعد عشان مايتأخر ..

ابي اكون مثل خواتي .. يعني اختي ماخذه ولد عمي بعد وبيتها قريب لي لكن انا اقرب منها لهلي ومع هذا كل ماقالت لزوجها ودني او بروح لهلي قال تجهزي وهي عندها 3 اطفال وحامل .. و اذا كانت تبي تروح مع اختي للسوق او مكان عام عادي يسمح لها سواء مع سايق او مع اخوي او معه هو .. زوجي صاير يمنعني حتى من المناسبات وكذا مره تصير عندنا مناسبه واقول له بحظر ويرفض لييييه مادري !! مع ان هو يكون رايح يحظر واهله و اهلي الكل يحظر ..

المهم نرجع لموضوعنا .. زوجي مرات ماينفع معه الا العصبيه والتطنقر .. وغالبا ينفع معاه الدلع و التميع عنده وتصير علاقه وبعدها اطلب اللي ابي .. بس انا مستانسه انه هالفتره مشغول مابي اتقرب منه لان العلاقه تأذيني هالفتره مع الحمل ..

اهله .. البيت الكبير ماتونس فيه لان العيال رايحين جايين و لان البنات يدخلن داخل بس يقهوني ويروحن وحتى بالعيد ماشفت احد منهم و اذا البنات المتزوجات هنا هم يجلسون عندي .. ويتناوبون يافلانه تعالي اجلسي عند فلانه انا بدخل و الخ ..

حريم اخوانه اتونس عندهم حيييييل بس ماقدر اكثر زياره لهم ولا اقدر احتك فيهم لان جربت قبببل وصارت لي مشاكل .. كثير نصحوني ماروح لهم ولا اعطيهم وجه بس انا غبيه وثقت الى ان وحده منهم قرصتني وسببت لي مشكله كبيرررررره مع عمامي و زوجي بالغصب حليتها ومنها بعدت عنهم وصرت رسميه مع الكل ..

اللي يقهرني انه مشغول و وقت فراغه يكون عند اهله وانا مايعطيني من وقته شي و اذا عطاني يكون ليلة الجمعه ..

واللي يقول يمكن مقصره معه .. ماني مقصره معه بشي قايمه بكل شي ومايقدر يمسك علي ممسك ..

قبل كنت اشغل نفسي ايام الاسبوع اذا ماوداني .. كل يوم اطلع لي شغله بالبيت مره ارتب مواعين مره الملابس مره التسريحه ومره غرفة العفش و على هالحال .. بس الحين ماعادددد اقدر لان بديت اثقل مع الحمل وصلت السابع وبنتي ماشاء الله عليها مو مقصره بتعذيبي عمرها 9 شهور ونص وماتركد ابد حتى وانا ماسكتها بحضني تتحرك تبي تنطلق ولما اتركها بالارض بس اقلبها وتعور نفسها وكل وقتي ركض وراها و اتعب حيل معها قبل فتره جاني نزيف بسببها و وصلت لمرحله ان خلاص راح اجهض بس الحمدلله ربي ستر ..

والحين كل وقتي معاها بالغرفه حتى هي طفشت مابي اخليها 24 ساعه على طيور الجنه عشان ماتنهبل احاول الاعبها اخليها تحوس و تستكشف و تسوي اللي تبي و اذا رحت لهلي هناك تلعب وتستانس حتى نوم ماتنام من الوناسه ..

وجربت قلت لابوها البنت ملت لحالها ومزاجها تعكر < فعلا صارت تصيح بدون سبب > فجأه وهو جاي من الدوام جايب لي 3 من عيال اخوه هههههههههه فااااهم غلططططط مابيهم لانهم أذيه مايلاعبون بنتي بس ياخذون العابها ويلعبون هم ويحوسون ويكسرون و والخ ..

احاول اقول بصير راعية بيت و اطلع بس اخر الاسبوع وكذا بس والله انقهر لما خواتي يجون من كل مكان يعني وحده بيتهم بالسياره نص ساعه ومع هذا تجي امي متى مابغت وانا امي قررررريبه لي وماروح لها ..

والمشكله ان ما اخلي له عذر اقول له اروح مع اخوي لما تداوم وبس اتقهوى عند اهلي ساعه وكذا وارجع يقول لا ..

ويقول لي انا هذا بيصير مبدأي تروحين لهلك خميس وجمعه وبس اما باقي الايام تروحين للظروف الطارئه ..

وماعندي صديقات اكلمهم و اتونس معهم وماحس بالوقت .. وخواتي من يسكتوووون بالقروب ادري انههم مجتمعات ولا كل وحده طالعه مكان ..

مجرد فضفضه اخرى
ومن وصلت الشهر السابع وصلت للهم والنكد .. لان ولادتي الاولى كانت صعبه وتجربه قاسيه وبعد الولاده دخلت بحاله نفسيه قويه صرت احلم و اصحى اصرخ ومن اصحى ابكي واقول لامي مابي احمل مره ثانيه المهم بعد الاربعين زوجي رفض اخذ مانع و قدر الله ان احمل ولما عرفت زعلت وابي اجهضه لان كان لسا هرمون مدري كيس بدون جنين المهم كشفته وهو توه وماحد خلاني اجهض الكل منع و يحدثون علي .. اول شهرين حمل كنت حيل افكر بالولاده و ابكي و ادعي وبعدها الحمدلله تأقلمت وصار غالي عندي وصرت اهتم فيه و اراجع بسسس من وصلت السابع !! خلاص ماباقي شي عالولاده رجعت احلم فيها و اصحى وانا ابكي .. عشان كذا محتاجه اطلع اغير جو ابي اتونس ..

ومن مثر ما اقابل بنتي ولحالنا صرت اوسوس يمكن اموت الحين وبنتي تبقى لحالها ساعات طويله وماحد يدري عنها تعطش تجوع تطيح تتعور .. ومرات اقول يمكن اموت بالولاده وتعيش بنتي بعدي و و الخ ..

يعني من الووووحده شوي و يطير عقلي والله ..

الحين احس ارتحت لما فضفضت بس حبيت اقولكم بعد اني من امس ماكلمته ولا حطيت عيني بعينه بس جهزت له الفطور وملابسه وكل شي كالعاده لكن بدون ما اكلمه لان في شي بنفسي تجاهه بس مقدر اكلمه او اطالع له .. ولما جا جلس يرسلني هاتي كذا و سوي كذا و اسوي و لاحظ اني زعلانه قال ياحرررررام مافي طلعه ماطلعتي اليوم .. مارديت عليه ابد ولا طالعت له وهالتصرف غصب عني

__________________
تم تغيير النك .. < ريتاج2016 سابقا