يا اختي اول شي انا مثلك مطلقة
ولكن ماعندي مشكله مع نفسي اني مطلقة
اعترف المجتمع بجيح مع المطلقات لكن لاتنزلين لبجاحته

امس كنت عند جدتي وفيها زهايمر
فلما جيت اسلم عليها بطلع قالت لي وين بتروحين؟ قلت برجع بيتنا
قالت زوجك جا ؟ ضحكت معاها وقلت انا سينقل 😝
والا تقول وحده من قريباتي تعليق متدني المستوى
قامت ضحكت ع جدتي وسؤالها وتقول بتهكم " راااااح زوجها"
لكن هذا الموقف ذكرني بربي والله
وقلت في نفسي يارب اجعلني خيرًا مما يظنون وارزقني خيرًا مما يرجون..
ففي نظري هو ماراح ما جا عشان يروح ..

الناس وكلامها وأوصافها بيتعبونك اذا اخترتيهم
معيار تقييم لك.. قيمتك عند نفسك..

نجي لعدد المتقدمين ، اظن سنه بعد طلاقك مو شي
ومو طوال السنة المرآة تخطب!
يمكن تمر سنه سنتين ثلاث اربع ماتنخطبين فيها
او تنخطبين ومايكون مناسب
ويمكن بعد كم سنه من انعدام الخطاب يتقدم لك واحد
هو مرادك والمرغوب

الله يوفقك ويرزقك من واسع فضله
كثري استغفار ..
وأيضًا لاتقفي عند عتبة الزواج منتظرة الزوج
الرزق شي وسيع ليش محصور بالزواج
فاشتغلي على نفسك بأمور آخرى دراسة تعليم جمال صحة ثقافة
وصدقيني بتحمدين ربك ع طلاقك وتحمدين ربك انه اتاح لك فرصه
تلتفتين لجوانب اخرى بالحياة ♥