رد: لا أفهم معنى رسائلها!
معنى رسايلها انها حاسه بالظلم والقهر
وحابه تشوف منك موقف يبرد جبدها
بس انت قاعد تطنش وماترد وهي قاعده تحترق اكثر
اخوي اذا انت مب ناوي تطلقها
بس حاب ان سلوكها يتعدل
اصبر عليها وانصحها
انا احس عيب زوجتك هو عدم احترامها والالفاظ الي تتلفظها
تقدر تأدبها بطرق ثانيه
الاسلام وصى بتأديب الزوجة بالهجر وان ما اعتدلت ضرب خفيف
ولكن ليس بالطلاق مباشره
بس سؤال شو السبب انها راحت لبيت اهلها ؟
وهل انت متأكد انه قرار الخلع متفقين عليه انت وهي
ولا انت اقترحت وافرضته عليها ؟؟؟
لانه مبين انها مب موافقه من رسايلها الهجوميه
شوف اخوي انت مب ظالم ما اشوف الموضوع فيه ظلم
لانه اول مره اعرف انه الخلع فيه ظلم
اذا انت معلقها لا تطلقها ولا تعاملها كزوجه هني ظلم
وانت تبغيها بشرط انها تتعدل
بين لها انك مالك نية بالطلاق
وانك تحبها وتبغاها بس بشرط تحترمك وتعدل سلوكها
قول لها كلام شوي يطيب خاطرها
الحرمه عاطفيه تحتاج كلام يرفع معنوياتها ويحسسها بغلاتها ومكانتها عند زوجها
يمكن بسبب كلمه طيبه هي تتغير
وبالمقابل انت لازم تترك تصرفات هي ماتحبها فيك
لازم انتو الاثنين تتنازلون