وعليكم السلام ورحمة الله وبركاته

هلا فيج اختي ميرال

للاسف انتي غلطتي غلط كبير
اختي الله يهديج ماتعلمتي من الموقف اللي صار وياكم قبل

احفظي لسانج حاسبي اقوالج
بعض الكلمات كفيله انها تدمر العلاقات انتبهي جدا لكلامج ويا زوجج لانه مب كل زوج يسامح او ينسى .. وقبل ماتقولين اي كلمه فكري فيها مليون مره وتخيلي حد قال لج نفس هالكلام شو بيكون موقفج

لازم تتعلمين من الدرس اللي صار لج

ومهما كانت المشكله غلط تطلعين من غرفتج وتخلين ريلج بروحه والمشكله ما اشوف انه غلطان بالعكس انتي اللي قلتي له كلام يجرح فوق هذا خليتيه بروحه


انتي هدي اعصابج واضبطي نفسج
واذا ريلج ماوداج
اعتذري من صديقتج
هل زيارتج لصديقتج اهم من المحافظة على اسرتج وزواجج
في اساليب ثاني لاقناع الزوج

و ودني بيت اهلي
اختي بذمتج هل هذه المشكله تستحق انه تطلبين منه هالطلب ؟؟؟
عيل لو مريتوا بمشاكل اكبر لاقدر الله شو بتسوين

واخته لما قالت انه عندهم وهو قال لج مشغول
المفروض خلاص وقتها تتغابين و دام ماخبرج لاتقولين له عرفت من اختك
يمكن له اسبابه انه مايخبرج
انتي راجعي نفسج واسلوبج اهم شي اعصاابج اختي
احس انج عصبيه

تصرفي مع المواقف بهدوء وحكمه وخاصة لسانج احفظيه عن اي كلمه ممكن تدمر علاقتكم

الحين ريلج يحتاج شوية وقت ويرضى ان شاء الله

لانه في مشكلة وحده من العضوات الله يذكرها بالخير
غلطت نفس غلطتج وعلقت على مرض ريلها

بس الحمدلله مع الايام رجعت المياه لمجاريها

ف انتي اصبري وتمي استغفري
ونفس الوقت توددي له واعتذري وبيني ندمج الشديد وقولي له كلام يطيب خاطره وانه زلة لسان والشيطان كان لاعب بأعصابج ولا انتي عمرج ماركزتي على هالمشكله وهو كامل بعينج

المهم حاولي وياه وان شاء الله بيسامحج وترجعون مثل قبل واحسن