عزيزتي هناك بعض الامور اذا طبقتيها في حياتج بترتاحين

( الرضا بالقضاء والقدر خيره وشره )
ارضي بالحياة اللي انتي فيها خلاص هذا نصيبج
واحمدي الله انه ريلج لا سكير ولا زاني وفاسق
الضره صعبه ولكن ليست نهاية العالم
هي عايشه حياتها وانتي بدمار ونار وقهر
ارضي واقنعني بهذا القضاء
عسى ان تكرهوا شيئاً وهو خيراً لكم
صدقيني كل شي يمر لنا بحياتنا فيه حكمه من الله

( ومن عفا و أصلح فأجره على الله )

خلاص سامحي ريلج على اللي سواه انه تزوج عليج
لانج لو سامحتيه ماكنتي راح تتصرفين معاه بهذه الطريقه
ولاتنسين اجرج الكبير عند الله على صبرج وتحملج لكل اذى و الم نفسي من زوجج

يمكن الحمل حالياً مأثر على نفسيتج

كل ما اقرى مواضيعج اشوف انج وايد منقهره
قاعده تتعبين عمرج اختي على الفاضي بالحرقه والالم
صدقيني هذا مابيفيدج في ولا شي

فكري كيف تعيشين بسعاده و راحه مع ريلج و عيالج

من الكلام اللي تقولينه
مبين انه ريلج يحبج وماله غنى عنج
اصبري عليه حبيبتي وانسي اللي صار
وايد حريم تزوجوا عليهم رياييلهم
صح مب سهل لكن ليست نهاية العالم

ولد زوجج من طليقتج بصراحه عور قلبي
اعتبريه ولدج
وخلج مثل امه
يكفي الشتات والضياع انه ابوه مطلق امه
احتويه واحسني له