السلام عليكم ورحمة الله وبركاته

أخواني الكرام/ أخواتي الكريمات

أنا كملت سنتين وأنا أبحث عن شريكة العمر من خارج العائلة، كل مادخلت بيت ما أرتاح للأب وأحس أنه مدلع بنته ويبغى واحد راتبه عالي جداً ليتزوجها ويعيشها زي الملكة فيكون الرد مني أنا وعندي نظرة بأن الرجل مايعيبه إلا جيبه. وبصراحة بعض مقابلات التعرف أصبحت مشابهه لمقابلات التوظيف لدرجة أن الأب يسأل عن تفاصيل العمل من روتين وراتب ومميزات وخططي المستقبلية وغيرها وبعد الإكتفاء يسألون عن وضعي الإجتماعي ويضعون شروط غريبه وبعد الموافقة على شروطهم الغبية وإرسال المهر وبدأ المكالمات وتوضيح بعض الأمور للخطيبة يردون المهر وتنفسخ الخطبة بدون مبرر !! ممكن أنا فيني عيب ألي في قلبي على لساني وأكره التصنع !!

بعد اليأس أقتنعت بأن البحث داخل حيز العائلة بيكون أجدى لي نظراً بأن الوضع الإجتماعي مشابه ولكن .... تفاجأت بأن البعض ينظر إلي كأني ورقة شيك لتحقيق أمنيات بنته ويتفننون بالشروط فالوالد ماشاء الله غني وماله له وكتب وصية بأن كل أمواله بتكون وقف وأعطانا أنا وأخوتي خبر من قبل إتخاذ قراره وقال بالحرف الواحد " لاترتجون من بعدي شيء ". موضوع الوالد مسبب لي إزعاج وكل ماتقدمت لبنت حطوا لي شروط منها أنها تسكن ببيت ملك وأنا حالياً معتمد على الله ثم على نفسي ووظيفتي ودخلي جيد ولله الحمد ولكن تكاليف الحياة مثل ماتعرفون تغيرت. جمعت لي مبلغ جيد من حر مالي ويسر الله لي بنت الحلال وكانت الرؤية الشرعية في نفس يوم الخطبة وكان فيه تقبل من الطرفين ولا كانت فيه أي شروط وبعدها بأسبوع أرسلت المهر ولكن تفاجأت بأتصال من والد البنت بأن البنت بتطلع ابتعاث لبريطانيا لمدة تسعة أشهر ولازم أنتظر ولا أكلم البنت ولايكون بيني وبينها أي إتصال وإذا رجعت نتزوج وأنا ما أبغى أنتظر والبنت بصراحة ذات خلق ولكن أنا مستعجل كوني وصلت لعمر ٣٥ سنة وأبغى أتزوج ومليت من الإنتظار.

أفسخ الخطبة وأبحث من جديد وإلا أنتظر ٩ شهور ؟؟ لا أخفيكم نفسيتي أصبحت سيئة جداً لدرجة أني صرت أكره موضوع الزواج مع أنه شيء لابد منه خاصة إذا قرأت أخبار زواج بعض زملائي لأن طريقة زواجهم تقليدية وبسيطة.


مستجدات الرد16


http://66n.com/forums/showpost.php?p...7&postcount=16