رد: ورجعت بعد غياب .. وجهوني
اقتباس:
المشاركة الأصلية كتبت بواسطة بياض الديم
قالتها الاخت
فعلا راح تتعبي ترضي كل الاطراف
انا كنت ارجح كفة الاهل طبعا بخرج امي من الموضوع اشوف لها حق عظيم علي ما اوفيها ابدا الله يحفظها
الاخوة تنكروا لي وقالوا ما شفنا خير قلت خير
زوجي كان يسألني وين المبلغ الفلاني
طبعا بكل احترام يعاملني وقبلها المحبة
فوصلت لمرحلة معه ان حرة التصرف في مالي هو اصلا يعرف ان ما اسرف لان اصلا علي قرض كبير فيعيني على ذلك وما يسألني الان من عطيت وش سويت لان خلاص تفاهمت معه على هالنقطة وصرت اكتم عنه اي شي اعطيه ارتحت بالاخير ووضحت له ان ما يبقى معي شي وهو صراحة مب مقصر معنا بشي ويسلمني مصروف البيت بيدي ويقول اللي يبقى ادفعيه علينا ان كان علينا دين اضطررنا له او ان تصرفي فيه
تسلفت للبيت اللي نحن ساكنينه الان والبيت بأسمي بقرض اسلامي لكن أفضل اموت ولا اقوله هذا بيتي مب بيتك
الرجل ما يتحمل هالكلام ابدا
موضوع السيارة لا تكلميه فيه ولا تمني عليه لان ماراح ينساها لك ومايبي يكون ضعيف قدام اخوانك
واختك واخوانك عشان عطيتي زوجك خلاص زعلوا ؟؟
الله يعين بس
ضروري تتفاهمي معه
انا اشوف المشكلة ليست نهاية الحياة بينكم وانما مثل ما قال اخونا سلطان هي سببها المشكلة الرئيسية الاولى
والحمد لله ربي من عليك بحمل واولاد وهو وف معك
علاقته مع اخوك مع الايام بتتلاشى وكأن ما صار شي واذا يشوفها شي خلاص لا تدخلي بينهم خليه براحته زين ام مامنعك عنهم
الله يهدي العلاقه بينكم
|
ممتاز إن زوجك واثق فيك وتصرفاتك في مالك .. أنا زوجي هذي مشكلته يبي يكون وصي علي .. أنا مافكرت في علاقته بأخواني ولا حتى في فلوس أنا فكرت فيه هو ليش مايحترمني ويقدرني ويعرف إن ماله حق يمنعني اتصرف في مالي بالشي اللي يناسبني .. انا ماني صغيرة وبنفس الوقت ماني مبذرة عشان يتعامل معي كذا .. مرة سألته بحسن نية عن راتبه قوم الدنيا وماقعدها .. وأنا وربي ماكنت قاصدة شي من سؤالي ..