اشكرك كل الشكر على نصيحتك
نعم اخي . كل وحده في شقه . واذا تزوجت راح اعيد الترتيبات واطلب منكم المشوره

البارح حضرت زواج ولد عمي . ولقيت اشياء . اقسم بالله العظيم انه شيئ يثلج الصدر
وعرفت وتأكدت انها خيره ارادها الله لي ولطليقتي . اللي لقيته شيئ اكثر من رائع
والله اني قابلت واحد من زملاي عزيز وغالي وهو الآن دكتور بإحدى الجامعات . ودرس معاي ايام الثانويه . وعرض علي ان اتزوج اخته معلمه صاحبت دين وخلق وجمال . وقال ايضاً فيه من زملاءه بالعمل واحد من اخوياه دكتور وأخته مطلقه وعندها طفله وعمرها سنه وسبب الطلاق . كان طليقها حق خراب . وايضاً قابلني واحد من جماعتي وعرض علي بنت اخوه ويصير عمها . وقال موظفه في قسم النساء في ادارة التعليم . ياناس والله والله انها طلاق طليقتي والفراق اللي صار بيني وبينها إنه خيره . طبعاً اللي كلموني وعرضو علي الزواج والله العظيم قلت لهم بالحرف الواحد . بيض الله وجيهكم وأنتم كبرتم بعيني ولكن الحين ماابغى الزواج . ابغى ارتاح وعشت ٩ شهور في هم وحزن مايعلمه الا الله ولكن بعد سنه راح اقرر عالزواج . وقالو لي حتى لو بعد سنه كلمنا وبنبحث لك ولاتشيل هم . والله ان وحده من اخواتي انها لقت لي عروس موظفه اداريه في قسم النساء في الجمارك . وحالياً انا رافض الزواج . اللي انا ابغى اقوله لكم . بأن الفراق اللي صار بيني وبين طليقتي يمكن خيره . ويمكن شر والله صرفه عني . فالحمدلله يآرب راضي بما كتبه الله لي . يشهد الله قبل طلاقها واثناء المشاكل وأنا جالس احاول في طليقتي ترجعلي . وكنت اقول في جميع صلواتي ( اللهم إن كان في زوجتي خير فردها لي رداً جميلا . وإن كان فيها شر فأصرفها عني ) والله صرفها عني . فالحمدلله يشهد الله اني احس براحه وانشراح بالصدر . وبعد سنه بتزوج . والحمدلله على كل حال