انا تغيرت وزوجي لم يتغير
السلام عليكم اخواني واخواتي
حياتي الزوجية استقرت فتره
وكالعادة هبت عاصفه جديدة
لكني تغيرت الان
من مواقف الحياه
والخبرات السابقه
ونصايحكم وتعليقاتكم
تغيرت شخصيتي كثيرا
اشرح لكم مشكلتي
ولكم الحكم
قبل اسبوعين كلمتني اخت زوجي
وطلبت مني احضر مناسبه تخصها
كان رافض زوجي حضوري للمناسبه
فاخت زوجي قالت لي زني عليه
قلت لها ابشري
كلمت زوجي بالموضوع
قال لا يعني لا
قلت اختك طلبتني
قال الله ..انتي والزن حقك
شتمتي قدام اطفالي وراح وتركني
رحت له بعد ساعه
قلت له ما اقبل تلعني!
وعيب تشتمني خصوصا قدام الاطفال
قال: اوووه خلاص اسفين
ضربت الباب بقوه ومشيت
جاء يلحقني
تقفلي الباب بقوة يا ..يا ... يا .... يا...
الله ياخذك ويبليك بالسرطان الخ
مارديت عليه ابدا ابدا
ولا كأني اسمعه
وهو ترك البيت
ورجع بالليل ونام برا الغرفة
استمرينا مانكلم بعض كذا يوم
وهو هاجرني ينام بالمجلس
لا يسلم ولا يكلم ويصرخ
وانا ما ارد نهائي
اخر الاسبوع سافر دوره عمل يومين
راح ورجع ولا كلمني
وانا برضو ماكلمته لاني ماخذه بخاطري
بعد 10 ايام نومت الاطفال
وجلست معه بهدوء وصفاء
قلت له يهون عليك تعاملني كذا؟
جلس يقول انتي فيك وفيك وفيك
قلت له انا ماغلطت
قال انا ماهمتني اختي ومناسبتها
لورجعتي لوراء لما كنت نايم ذاك اليوم
رن جوالك وازعجني
وكان يوم سبت واجازتي ودوشتيني
قلت ماكنت قاصده غصبا عني
وماكنت اعرف انك تضايقت اصلا
قال لانك جاهله وقليله ذوق الخ
قلت طيب مشكور
واعذرني ماكنت اقصد ادوشك
قال عموما انا اسف لو جرحتك بكلامي
قلت الاسف اللي يجي الان ماله قيمه
ورحت تركته ونمت
وجا بالليل ينام بالسرير
عطيته ظهري
وعطاني ظهره
الصبح طيح العطر وصحاني
ارسلت له مسج
انا فزيت الصبح مرعوبه من صوت العطر
ماراح اغلط فيك ولا شي
لكن بليز كل واحد ينام بمكان افضل
دخل علي العصر من الدوام
يصرخ ومعصب
قلت له هدوء والسلام عليكم
قال لا سلام ولا كلام
الله يسد نفسك عالرساله
رساله وقحه وبجيحه وانتي مستفزه الخ
قلت له انا ماغلطت ولا شي
زي مازعلت على نومك
انا بشر واقل حق انام بهدوء
مو انت تقول هذا حقنا الاساسي؟
قال انا غلطان نمت بغرفتك
قلت خلاص لاتنام (وابتسمت)
قال انام ببيت ثاني ومع زوجه ثانيه احسن
وطلع وتركني
تركته يرتاح من دوامه
وبعد العشاء دخل الغرفة
سألته انت ايش تبغى؟
قال والله كنت ناوي اراضيك اليوم
بس رسالتك سدت نفسي
قلت مشكور بس تراك زودتها
لعن وسب واهانه وهجر وتهديد عيب عيب
قال انتي اصلا نكديه فكيني من شرك
وراح وتركني
بعد شوي لبس وتشيك وتعطر
تجهز يطلع لاصحابه
قال توصي شي؟
قلت سلامتك
وراح وتركني
انا مخنوقه مره
بالعه غيظي وساكته
وهو كل فتره نستقر
يطلع بمشكله جديده مدمره
مجزره في حق العلاقه الزوجيه
انا زمان كنت اثور واكلم اهلي
او اخذ شنطتي واترك البيت
بس ياجماعه تعبت
مو حاله والله
كلمت مستشار قال هدي الامور
اكثر من كذا؟!!
تفسير المستشار غريب
انو الزوج غير المشبع جنسيا يتصيد الاخطاء
طيب هذا بالله مو زوج منفر
احنا بشر مو .....اعذروني
ولا في تبرير لتصرفات زوجي
والقاتل بالموضوع انه مو حاس بغلطته
جربت اطنشه ومروا 10 ايام عالفاضي
جربت اكلمه بهدوء قام قلب الطاولة
بعدها ارسلت له مسج حازم
وجاء يلعن ويشتم من جديد
ويهدد ويتوعد بزواج وطلاق وخرابيط
لسانه صاير زفر جدا
كان يتهمني اني ارادد والمفروض اسكت
صرت ما ارد عليه
يقول اصلا سكوتك استفزاز ولعانه
كل شي ممكن يعدي
الا عدم الاحترام في العلاقه الزوجيه
هذا شخص غير محترم نهائي
ومع العشره اكتشف هالشي اكثر
صحيح فيه مزايا
لكن قله الاحترام عيب فظيع
ما ادري ايش اعمل معه
تعبنا فضايح
واهلي ملوا وانا مليت
التعديل الأخير تم بواسطة ويبقى الحنين ; 16-08-2017 الساعة 09:07 PM