بالتوفيق إشراقة وإن شاءالله اوصل للسلام الداخلي كمان جالسة أبذل جهدي اقرأ واحاول اقنع نفسي ان هذي تركيبة الرجل والأهم بما إني انسانه عاطفية احاول اغلب عقلي واقتل عاطفتي لان لا محل لها مع زوج معدد كل مافكرت احاول اقطع التفكير على نفسي او تقول نصيب ومو مكتوب لي او اقول خلاص هذي طبيعة الرجل ولو اخفى صراع نفسي شديد قد ياخذ من روحك ومن حياتك ومن اهتمامك لكن المهم نوصل ولو بعد سنين ....يمكن اللي ماخاض التجربة ماراح يعرف صعوبة انك تناقش او تعيد التفكير والتنبيش في موضوع حساس جدا جالسة تحاولي انك تتناسيه عشان تعيشي ....وكمان بعض القناعات ماراح تتغير الا بمرور بمواقف كثيرة صعب اقول لوحده راح تمرين بنفس هالمواقف وتتغير قناعتك لانها يمكن ماتمر بنفس المواقف ولا زوجها نفس زوجك ولا شخصيتها نفس شخصيتك ....على كثر ماسالت زوجات المعددين وبعضهم قالولي سنة وبيرجع الوضع عادي وبعضهم قالولي بترجعي تشوفيها زيها زيك مافيها زيادة كنت انتظر تمر السنة واقول يارب متى تنتهي انتهت وانتهت السنة الثانية ومااقتنعت ....وسالت ناس مرت على تجربتهم كثيير 15سنة او فوق وهم ماتخطوا المشكلة ....وحده كبيرة في العمر قالت لي يابنتي المواقف بتقنعك وحبه ماراح يكون زي اول ....كان كلامها زي الصدمه لاني شايفتها متعايشة مع ضرتها ويطلعوا سوا واخذ الثالثه وتعزمها وتزورها وتقول زي بنتي توقعت انها فعلا رضت وتعايشت بس فهمت انها تنازلت عنه لهم الثنتين وخلاص منشغله بنفسها وعيالها مع شعورها بالظلم والقهر ....هنا حسيت انه فعلا حياتنا الاولى ماراح ترجع وعلاقتنا ببعض ماراح ترجع زي اول فاحاول ابتعد عن كل شيء يؤذيني تمر لحظات اكون فيها متفاىلة واشعر بمشاعرك واني بنطلق للحياة من جديد وتمر لحظات اكون فيها بانتكاسة اكتئاب واستسلام لامري ولازلت في صراع مع نفسي بس اول شيء اني اقنع نفسي انه ماعاد افكر بالحب ولا بقلبه
كتبت ثرثرتي معاك 😊يمكن هاللي يتسائلون يلاقون فائدة في الكلام