أخي الكريم..
هالنوعيه من الفتيات يوجدن وبكثره ..
وللأسف ان هناك بعض النوعيه الي لا تجدي النفع معاها.. وتاخذ فتره طويله لغاية ما تتأقلم على الوضع وتكسر حاجز الخجل..
ولكن يجب على الزوج المحاوله والإستمرار في المحاوله بكثره حتى يهدم هذا الحاجز.. ولا يترك له أثرا في حياته الزوجيه..
على الزوج المداعبه.. وكما ذكر الأخ فيصل التنكيت.. أو التذكير ببعض المواقف..
ممكن انك تسأل عن البنت من بين اخوانها.. شو من اشيا حلوه هي اتحبها.. شو هواياتها مثلا..
ممكن انك تشاركها هالهوايه بطريقه ما..
مثلا اذا رسم ولا قرائه قصص ومجلات.. ولا مثلا اي هوايه ثانيه ممكن انك بطريقه وبأفكار خاصه منك تكتب عبارات حب وغزل على لوحه واتقول لها هاي لوحه رسمتها لج.. ولا في دفتر واتقول هاي قصه حلوه اقريها..
يعني توصل لها كلام الحب حتى لو بطريقه غير مباشره.. وهي بهالطريقه بتتعلم ممكن انها اتعبر لك عن حبها بالطرق المبتكره وهالشي بعد حلو.. يكون نقطه بدايه حلوه..
ومن بعد الزواج صدقني الخجل بيروح.. لأنك بقربها.. واقرب لها من قبل.. وهالشي بيولد احساس الحب فيها اكثر من اول.. وتقدر وقتها تختلق مواقف حتى لو كانت محرجه بالنسبه لها.. لكنها بتفيد انها تنسى هالخجل.. بتنحرج مره واثنين وثلاث.. وبعدها تلقائيا بتنسى الخجل..
مثل بعد الزواج بند الليت وخوفها.. وهي من الخوف ممكن تنادي عليك حبيبي من غير لا تحس.. ولا تفلت لحضنك يعني من هالأشيا..
واذا في اي لحظه شفتها تتكلم فجأة اقطع كلامها قولها انتي قلتي حبيبي.. ولا عمري.. إختلق اي كلمه.. هي بتنكر بتقول لا.. قولها بلا انا سمعتج.. أوهمها انها قالت هالشي.. وهي من كثر اندماجها في السالفه وكثر الكلام الي قالته ماراح تذكر هي شوقالت بالضبط.. وهالشي بيساعدها انها اتعيد الكلمه.. وانت بتكون بهالطريقه تساعدها انها تكرر الكلمه..
وان شاء الله اكون ساعدتك قدر ما اقدر..
وربي يوفقك ويسعدك