رد: كشفت وجهي بفرنسا وزوجي زعل
تركتك لله
أنا ما اعتذرت وللأن الاعتذار مو ف بالي
لأن غلط علي جدا جدا و زين مني ملتزمة
الصمت وقايمة بواجباته
اذا هو مقهور وانا غلطانة
فهو أخذ حقه مني بلسانه
حتى طلب حقه الشرعي
والله العظيم كل كلمة قالها
تنعاد وزي الشريط اسمعه بإذني
كنت شوي و أقوله كيف لك نفس
مو انا اللي ما تسوى جزمتك؟
مو انا قليلة الأصل والتربية ؟
مو انا اللي المفروض تشوتها بطول رجلك
جد جد الشغلة ثقيلة ع نفسي
لدرجة سرت استغفر بصوت عالي عشان اهدأ
لكن بلعت موس وسكت !
دعواتكم تجيني وظيفة ساعتها
بطلبه جديا يبعد عني ويعفيني من حقوقه
مدري ليه تذكرت موضوع ساري الليل
وكيف طليقته رفضت اعتذاره
بسبب كلامه الجارح
نفس الشيء جالس ينعاد معاي