رد: لا أفهم معنى رسائلها،مستجد
السلام عليكم
متابعة معك المستجدات وكل يوم أحتار من مين الخطأ والتقصير
لكن للأمانة مازلت مذهولة من إجابة أجبتها بالصفحات الماضية
لما ذكرت إنك ماتحبها !
سألت زوجي : ممكن الرجل يصير مايحب زوجته ويقولها كلام حلو ، وينام معها عادي ؟!
لما أقرأ مسجاتك لها مليانة حب وتصاب بالإحباط من ردها عليك أفكر فيها يمكن تكون حاسه
إنك مو صادق بكلامك وإنه عندك هدف إبقاء أسرتك قائمة علشان الأولاد أو إجتماعياً فقط
بصراحة أنا صرت أشوف كلكم معكم الحق لكن شخصياتكم ماتوافقت ومافيه تنازلات منكم
الأثنين كلكم عنيدين وعند كلمتكم والحياة الزوجية مايمشي فيها هالطبع بسلام
بردي الأول لك هنا قلت لك رح لبيتهم واطلعوا مع بعض وكلمها بكلام حلو وطمنها
قلت لي ماتجي هي بهالطريقة وأنا أشوفها الآن تاخذ وتعطي معك وواضح ماتبي فكرة
الانفصال هي تبيك تجي نفس الشخصية اللي هي راسمتها في بالها عنك وكل ماخيبت
طنها ردت رد مافيه أنوثة حسب ماتشوفه أنت
وبالمقابل أنت راسم لها شخصية تتمناه تكون فيها وماحصلتهت وبسبة كذا تحصل المشاكل
وعدم الاتفاق
وبرضو للأمانة الشروط اللي أنت كاتبها وخااااصة التعهد الخطي اللي تبيه مااشوفه
شي حلو بينكم ليش مايكون شفهي وبطريقة لطيفه بينكم
صدقني الرجل إذا حبته المرأة تنصاع له رغبة ومحبة وهو الوحيد القادر على تشكيل
اطباعها في بيت الزوجية وطبعاً كله باللين والهدوء
أتمنى لكم حياة جديدة موفقة مستقرة هانئة مطمئنة .