اولاً/ يقولك لاحياء في امور الدين وراح اجيبك على سؤالك بقدر المستطاع من وجهة نظري .
ثانياً/ خلي عندك ثقه في نفسك بليلة الدُخله . وتأكد مو لازم تجامع زوجتك بأول ليله . إذا أنت شفتها مرتبكه وماهي متهيأه نفسياً . لو تجامعها اليوم الثاني او اليوم الثالث او اليوم الرابع . اهم شيئ اعطيها ثقه في نفسها وقول لها انظري من حولك لنساء العالم كُلهن تزوجن وعدّت الأمور على خير . وإن جامعتها بالوقت المناسب . لاتشُد في جماعك . لأنك لو شدّيت عليها راح يجيها نزيف ومضاعفات . ياأخي ليش نستحي من مثل هذي الأمور . أنا تزوجت هذيك الأيام . ودخلنا الشقه قبل الفجر والله مافيه إلّا مزح وضحك وسواليف وجيتها اليوم الثالث لأني شفتها مرتبكه . وماكانت متهيأه نفسياً وكلمتها وقلت شوفي الحريم يمينك ويسارك كلهن تزوجن والأمور عاديه وصدقيني راح تمشي امورنا . قبل الجماع . قول لها كلام حلو وأحضنها و . و. و. وأنت فاهم قصدي قبل الجماع فأنت كرّجل لك نظره بزوجتك هذيك الليله . فإن استطعت تجامعها بهذيك الليله كان بها . او بيوم آخر . وتذكر هي ماهي فريسه . هذي زوجتك وبتعيش معاك وأعطو وقتكم بالوقت المناسب . وأنت خلي عندك ثقه في نفسك . ولاتصدق كلام الناس أن الرُجل لازم يجامع زوجته من اول ليله ليثبت رجولته ويثبت نفسه . هذا كُلّه كلام فاضي . وزمان منذ سنين طويله كان يقولي واحد من اعمامي الشيبان والكبار في السن الله يرحمه . يقول في عهدنا ياولدي لمّا يتزوج العريس ضروري يدخل بها اول ليله ويورينا المنديل وهو فيه دم حق الزوجه . قالو اي والله انه رُجل من ظهر رُجل . واللي مايوري اقاربه المنديل وهو ملطخ بتلدم قالو هذا مو رجل وخساره يتزوج . قلت والله ياعم اثاريكم حقين فضايح وأنتم مقلعين . هالحين الدعوه فيها رومانسيه ودلع . ولو بعهدنا الحين جلسنا مثلهم . كنت اخذت لي منديل وحطيت عليه كتشب وأوريه الشيبان وأقول عزالله اني ذيب ولد ذيب إيه والله هههههه . الرُجل يبقى رُجل ولو تجيها بعد اربع ايام . عادي . وراعي نفسيتها وصدقني راح الأمور تعدّي على خير . تحياتي