حبيبتي لوفتي قلوبنا معك من بعد الله وان شاءالله ربنا رح يعوضك باطفالك وبمستقبل كله خير
بالنسبة لبنتك ربي يحفظها مع الاخ الرسمي انك تحكيلها كل شي بصراحة من باب التوعية والتعلم
ونفس الشي بعمل مع اولادي لانو حتى باوروبا في تحرش من الكبار للاولاد
واكتر شي بخوف الاولاد منهم هو الامراض وبخليهن يحضروا او بقرالهن عن الامراض الخطيرة من ورا هالشي
وانو هالشي بيصير وقت الزواج من رجل او فتاة صالحة

ما تخوفيها من الموت اذا لمسها اي شخص كوني معها واقعية
لانو ممكن هالشي يخلي عندها ردة فعل من اي لمس ولو عن طريق الخطأ
بل اشرحيلها انو ممكن مرات بتصير لمسة عن طريق الخطأ كحادث مفاجى من شخص او ممكن شخص يلمسها لانقاذها من غرق او سقوط او اي شي ممكن يأذيها ربي يحميها ويحفظها هي واخواتها

لانو مرة في فتاة عنا غرقت لانها ما كانت تخلي الشباب ينقذوها صارت تدفعهن وتصرخ انو ما يلمسوها وكان عندها قوة انها تغرقهن معها وما قدروا يلمسولها ايديها واتوفت ربي يرحمها

مسؤولية الاطفال كتير كبيرة وامانة عند الام او الاب ربي يقويكي وتقدري تنتشليهن من العذاب النفسي من ورا المواقف اللي عم يمروا فيها
وما تخلي مسألة التحرش تأثر ببنتك بل خبريها انو في كتير اولاد بيتعرضوا لهالشي من ورا الكبار اللي ما عندهن وازع ديني وغير مدركين لتصرفاتهم الغلط وانو بعدين بيندموا وبعيشوا بتأنيب الضمير
وانها تكون فخورة بنفسها انها واعية وما بتسمح لحدا يتحرش فيها
وانها ما تخاف من شي لانو ربنا حاميها وانك دايما معها من بعد الله
دعواتي ترافقك بالفرج القريب بإذن الله

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه