وعليكم السلام ورحمة الله وبركاته

الله يتمم لكم على خير اخوي

راح اقولك حسب وجهة نظري كأمرأة

طبعاً طريقة الاغتصاب غلط
ونفس ماقالوا ليلة الدخلة ممكن تترك اثر نفسي جميل وذكرى لاتنسى
و اثر سيء ينقلب عكسياً على مشاعر الزوجة

طريقة الاجبار والقوه ومافي تفهم لحالة الزوجة النفسيه هني ممكن تدخل في صدمة
وعادي جداً بعدها تطلب الطلاق نفس وحده نعرفها جي صار معاها


ف اللي اشوفه مناسب
انكم في اول ليلة تخلون كل شي يمشي بعفويه
لاتفكر وتحاتي كل المتزوجين مروا بنفس هذه التجربه
ولاتنسى الدعاء تطبيقاً للسنه
وشي طبيعي هي بتكون متهيأه نفسياً ومستعده
مثل ما انت تفكر وتحاتي

وضروري جداً يا اخوي العلاقه الزوجية تبدأ بلطف مداعبات قبلات الخ
اكبر غلط انه الريال يتصرف مع زوجته مثل البهيمه ويقبل عليها بدون مقدمات
لانه المكان نفسه لازم يتهيأ عند الحرمه ويحتاج وقت
وبدون مايكون متهيأ يكون الجماع جدا صعب ومؤلم وربما يسبب نزيف والخوف وعدم الاستعداد بيخليها تعاني من التشنجات مهبليه
ممكن الاستعانه بمزلق كمساعد لاول الايام فقط
وليس ضروري يتم الموضوع كله في اول ليله
ممكن يتم على محاولات متفرقه
اذا شفت الوضع مايسمح وفيه تعب خاصة للزوجة ممكن تأجل شووي الموضوع يوم يومين

المهم التقدير لنفسية الزوجة والرومانسيه واللطف اهم شي

الله يوفقكم ويسعدكم ويتمم لكم على خير