المشاركة الأصلية كتبت بواسطة Um Suhail

اذا كنت ضامن انه ما عمرك ظلمتها ولن تقف امام الله تطالب الله بحقها منك فنعم لا يحتاج ان تطلب المسامحة !!

وليش يضغطون عليها اخوانها؟؟ حياتها وهي حرة فيها وهي اعرف اذا هي تبغى ترجع او لا ،، واذا كانت ناشر ما يعني لازم ما تتشكى ولا تشترط ،، الناشز ليس لها نفقه وفقط ،، ما فيه حكم شرعي يقول الناشز ترجع مثل ما طلعت ولا تتشرط ،، المراة ما تخرج الا بعد ما يطفح بها الكيل ،، اذا انت ضحيت ،، فهي ضحت ايضا من عمرها 11 سنه من رجل لم يحبها ولم يرها انثى كما تحب ،، تقول ناشز بطريقة كأنها ارتكبت جرما ويجب ان تتنازل عن كل شيء حتى تقبل لها الرجوع !!

الغريب اذا سبت وشتمت زعلت ،، واذا عبرت عن احتاجاتها العاطفية قلت ابتزاز عاطفي ومادي ،، واذا تكلمت بهدوء قلت استمالة ،، في كل الاحوال هي ذات هدف سيء ،، وتقول بانك تعرفها
هل تذكر امر طلبك لصك الزواج ولما ما ارسلته قلت اجل تروح تطلب خلع بعوض ليش ترسل صور الزواج مشقوقة وما ارسلت الصك وهي تبي الطلاق وانه مستفز ،، ولما استفسرت منها قالت لك مو عندي الصك اصلا ،، هذا الموقف قس عليه امور كثيرة في حياتك عليها ،، طن السوء بها مقدم دائما عندك في كل الاحوال ،،، حتى لما لاحظنا تغير في رسائلها بعد ما اخبرها بانزعاجك من سبها ،، اذا هي ايضا للها الحق ان تقدم سوء الظن مهما قدمت من وعود وكلام جميل ،، مثلك بالضبط

عبارة اللي في راسي اسويه ،، طيب وين المشكلة ؟ هي زوجة وليست امة ،، وكان بامكانك تقول لها ببساطة يا سلام عليك اكيد حياتنا بتصير احلى طالما حاطة اننا نغير حياتنا لافضل واكيد بتجيبينها ،، كل الناس اللي براسهم يسونه عبروا او ما عبروا ،، لكن كلام من زوجتك ومع تفسيرك اكيد تقصد انها تستغلك !!!

الاخت سنديان ،، الامر فيه مناقشات بخصوص مدرسة بنته ،، بنته اللي لها اربع شهور ما تدري وين بتكون نهايتها ،، ولا تدرين وين تدرس ،، ما كان يضره شيء لو رد عليها وقال افكر بالموضوع وطمني البنت وما الى ذلك ،، كانت ترسل سب وشتم ولا بلكها يبلكها لما تتناقش معه في امور بنتهم ؟ الاخ الرسمي ينصحه انه يتقابل معها وينهي الموضوع وهو يقول كرامه وعزة نفس ،، لكن لما اقتراحك وافق شيء من نفسه في التطنيش والتهميش اخذه بعين الاعتبار ،، تذكرين المراة الماضية ارسلت شتم وسب فنصحوه بتطنيشها ،، وطنش وطنش وبعدين تفاحا بالمحامي يدق عليه نيابه عنها وزعل ليش يتدخل المحامي ،، مع انه هو اللي حدها على هذا الشيء ،، اسلوب التهميش والتطنيش والبلك ما ينفع في تحديد امر مصيري مهم ،، وهم ما زالوا ازواج ويجوز يتحدثون ،، حتى لو سبت وشتمت و و ،، ما صبر عليها 11 سنة جت على الكم يوم اللي يقررون مصير ابناءهم ؟ لا خال ولا عم ولا جد بيفهم تفاصيل الاولاد مثل امهم وابيهم فليش يطولون السالفة عن فلان عن علان وتوصل السالفة مقطعة محرفة ؟؟