رد: لا أفهم معنى رسائلها،مستجد
السلام عليكم
تابعتك اخي
باختصار شديد جدا جدا
وبعد هال4 اشهر واالي صار فيها
((( زوجتك تبيك اليوم قبل بكرة)))
وتنتظرك بسرعة تاخذها وتشيلها من هذا الضغط
وقف كلللل شي ..وسو اللي انت تبيه وهي تبيه وهو ...
روح لها بيت ابوها وقول لها الحين نرجع مع بعض البيت واحنا نتفق مع بعض بدون اي احد من اهلي واهلش
اتفقوا ع اموركم بجو عاطفي ورايق و هادىء ..بجو ودي كله امان وحب ..احتضنا واجد واحتضن يدينها واوعدها بأن الآتي جميل و قول لها انك تثق فيها وانها بتبدأ من جديد وبين لها انها شي عظيم عندك
لاتكسر اكثر في الامان اللي صارت تتأمل منك انها ممكن تشوفه منك والدليل ثالت لك ارتاح لما اكلمك
زوجتك تبيك وانكسرت خلاص والدليل قالت لك تسريح باحسان
ارحم نفسك وارحم المخلصين لك هني ووقتهم معك
واىحمها وارحم الاطفال و لم هالشمل
زةجتك تبيك ترجعها مثل الرجل البطل اللي كلمته اللي تمشي ..اتصل لها وقول لها جااي وباخذش انتين حبيبتي وانا حبيبش ونحل انورنا بينا ..انتين تتعذبين وهالشي يألمني انش تتألمين وودي اخذش تحت جناحي و أدفيش أنا واخليش تنسين كل هالالم ...
وطبعا مباشرة تتفقون ع المرشد الاسري
وبسسسس ..اضرب بهالشروط الجدار واحسم الامر بكلمة منك حازمة ...
شنو هالحباة اللي الكل متدخل فيها ..شلون انت اصلا راضي تناقش كل هالامور وكل هالايام بشي يخصك ...
اني مرأة وعانيت الكثير خصوصا بما يخص الشخصية مثلك لكن ابدا ما ارضى احد يتدخل بحياتي بهذا الشكل السافر ..لكنك سمحت للأنا والكبرياء يتدخل بشكل غلط هالمرة
بكل بساطة ..خذ زوجتك ووقف هالهرج والمرج اللي حولك..وهالموقف بيخلي الكل ينسى كل اللي صار قبل وبتذكر فدرتك ع الحزم وبعدها ببنحسب لك الف حساب