وعليكم السلام والرحمة

انا راح احكي معك من واقع تجربتي واتمنى ردي مايضايق احد هذا راي انا

اول شي اتركي موضوع العنوسة والفرار الى رجل وكلام الناس ( مااحد راح ينفعك منهم )
انا اتفق معك بشغلات (الطريقة التي يتم فيها الزواج + الوصول الى مرحلة من الصفاء والوعي بخصوص الزواج )

واختلف معك بخصوص المشاعر اللي تخص الزواج وانك مسؤولة وماتحتاجي احد. ليش اختلف ؟

لانك ماجربتي ! فما راح تقدري تحكمي بدون تجربة !
مو يمكن كل هذه اوهام ؟ ويمكن تلاقي التجربة اكثر من رائعة ؟

انا اشوف ان عمرك مناسب جدا لخوض التجربة
(و اشوف انك مفترض وصلتي الى مرحلة من الصفاء والوعي بخصوص الزواج)
وان شالله ربي يكتب لك الخير في هذا الامر ويرزقك بالذرية الصالحة.

استخيري قبل ماتقدمي على القبول هذا اولا !

(بخصوص الطريقة التي يتم فيها الزواج) انا انصحك بمقابلة الشخص لوحدك،
ببيت اهلك طبعا والحديث معه وراقبي حالك هل تحسي بنفور منه ؟ او تتقبليه ؟
راح تقدري تميزي هالشي من مقابلتين فقط وابداا ابدا لا تضغطي على حالك بخصوص الموافقة اذا ماارتحتي بمقابلته ( انا جربت هالشي )
وعلى فكره مش ضروري يكون زواج غير تقليدي حتى ينجح الزواج !

انا ملكت بعمر ال ٢٣ سنة وللاسف ماحد نصحني مع انو من مقابلة وحدة مارتحت
وانفصلت ولكن ربك كريم بعمر الثلاثين عوضني بزوج رائع والحمدلله جدا مرتاحة معاه
انا من راي البنت ماتقدر تقرر امر الزواج قبل سن ال ٢٦-٢٧
انت الان عمرك جدا مناسب للقرار لكن تحتاجي تقابلي الشخص وتقرري وتستخيري.

الزواج مو بس مسؤولية، مودة ورحمة، راح تجي ايام تتمني احد يخفف المك، يشاركك الحياة لما الاهل مايكونوا موجودين ! الكل رايح عند رب كريم وراح يجي وقت تحتاجي سبب للحياة ( راح تحتاجي اطفال وزوج حتى يمدونك بالحياة )

في الاخير انا حكيت راي واتمنى اكون فدتك باي شي استخيري وربي ييسر لك امرك !