يا ام روان ، لا تكونين ضعيفة ...
قاومي لاخر رمق و اخر عرق ينبض في جسمك
على قولة جدي ، القوي يموت واقف على رجوله و سلاحه في ايده ...
الالم شي طبيعي جدا
بس اقلبيه لسعادة
ترى لا انا و لا غيري يمكن يسعدك و يغير جوك الا انتي ...
يشهد الله اني اعاني من مصايب عظيمة جدا في هذي الايام ، بكيت بحرقة ، حتى وصل الحال بي اني ابكي وسط الناس ، و الكل التف حولي ، و هذي تحضني و الثانية تسأل و البعض يطلعني للشارع يغير جوي ، تصوري امشي برا و ابكييييي بكاء عميق جداااا ، بس امسح دمعتي في الاخير و اقوم ارجع اقاوم و احارب في هذي الحياة !
واحيانا اقلبها ضحك ، امس سألوني كيف تمضين يومك ؟ جاوبت في المحاكم ههه
حولي المصيبة سعادة غصبا عنها ، لا تنتظرين السعادة تجيك لحالها .
اسعي و اسعي و اسعي و لا تستسلمي ...
ترى القوة مو قوة دقيقة او موقف واحد ، القوة هي الثبات و عدم الانكسار و الاصرار و الاستمرارية عليه !
دوري حل لحياتك ، طلعي نفسك من هذي المهزلة و ارجعي للصفر و ابني مستقبلك حجرة حجرة ...
اي خطوة راح تخطينها للامام راح تفرحين فيها جدااااا و اي انكسار او تراجع راح تزعلين بس بعزيمة و روح جديدة ...
اهم شي الحين لا تخربين حياتك بتهور او غضب يعمي بصيرتك !

.........
بالعكس اللي مثلي و مثلك ، انظلمنا ظلم ما راح يجي بعده الا كل خير من الله
احسني الظن بربك و اوثقي فيه جدااا
ولا تزعلين ارجوك !

__________________
أشهد أن لا إله إلا الله و أشهد أن محمدا رسول الله صلى الله عليه و سلم