رد: تواصلت مع رجل بهدف الزواج
اقتباس:
المشاركة الأصلية كتبت بواسطة OMnonaa
روح قبل مده كنت اكتب هنا حاجتي للرجل بحياتي
اكثر ماكان يقلقني انو اجلس بدون رجال
حاجتي للرجل نفس اللي كتبتي عنو
بس صرت افكر بواقعيه
مين يجي ياخذني وانا ام لعيال
صح عندي مقومات واستاهل و و و
بس الشاب الاعزب يرغب ببكر وحتى لو اراد مطلقه اهله يردونه
طيب نجي للخيارات الثانيه
معدد مابيه انا خارجه من تجربه وكرهت اابو الحريم كرهته مرررا
مافيني للمشاكل
اذن الخيارات المتاحه
مطلق او ارمل بأولادهم
وانا رافضه اربي عيالهم
المطلق بدون عيال يبحث عن بكر
طيب ممكن يجيني شاب
زي اللي جاني قبل فتره
بس ع قد حاله
فكرت ليه يبي يتزوجني وانا ام عيال
الا انو موظفه
وشكلو مخطط انو اطلع له سياره
اخذ له قرض
وبعد مايوقف ع حيله ويغتني يروح يتزوج بكر
هالشي مااجيبه من راسي
جالسه اشوفه بالمجتمع اللي حولي
عشان كذا ريحت دماغي
صرفت النظر عن التفكير بالزواج
الا اذا ربي جابه لعندي وهيئ لي الاسباب
ريحي دماغك
نصيبك حيجيك وانتي نايمه بدون سعي منك
اقولك كذا عشان لاتتعبي من السعي وراء المحاولات والخروج من دون فايده..
ربي يوفقك...💕
|
اللهم اامين ويوفقك
اي والله صادقه .. لكن ترى هالسعي يسلي شوي .. لكن انا قررت استبدل السعي وراه الى السعي ورى الله حتى يرزقني اللي ابغى
ومعليش كل اللي يبغوك لهم رغبه في وظيفتك حتى ابو عيالك .. انا ما عندي مشكله في انه يبغاني عشان وظيفتي ( اشيل شوي نفسي ) بس يكون يستااهل بمعنى اتعاون معه بالشي اللي ما اتحسف فيه عليه
__________________
أعلل النفس بالآمال ارقبها .. ما أضيق العيش لولا فسحة الأمل