يسعدلي صباحكن وكل اوقاتكم حبيباتي💖💖💖

سلامة قلبه ابنك حبي وفا
بتصدقي لهلئ اولادي بعد ما حصبوا وقبل سفرتنا على لبنان بنيسان الماضي حصبوا تلات رفقات بصف ابني وخفت ينعدى ووينعدوا اخواته وتضيع السفرة على الحصبة والحمدلله ما انعدى ولا حصبوا

وناطرين هالسنة بالربيع اذا الله راد لنشوف اذا حدا حصب من رفقاتهن رح ينعدوا او لا لانو سمعت انو بفصل الربيع بتنتشر هون الحصبة
فما بعرف اذا بكل الاوقات لانو عم تقولي هلئ ابنك حصب يعني بالشتا
وما عندي علم عنها بهيك وقت
والف الف مبروووك حبيبتي لأخوكي الله يهنيه ويبعتله ايام حلوة وتكون الزوجة الصالحة



حبيبتي ام عمر الله يحفظك ويسعدك دنيا وآخرة
وتسلميلي على كلامك الحلو متلك وشرف الي يطلع منك لانك قمة الاخلاق والحكمة والروح الطيبة
وان شاءالله قريبا بكتب عن الظروف اللي صارت لانو كم شغلة صارت مع بعض بفترات قريبة من بعضها وبدها شوية وقت بالكتابة والحمدلله من قبل ومن بعد

ليلة هادئة يا اهلا ومية سهلا فيكي يا قمر
نورت الكوفي
والله يسخر اخواتك لبعض لانو بحس هالشي صعب يصير تحت سقف واحد وخاصة بين الاخوات
لانو بشوف الاخت هيي روح الروح بالبيت وكاتمة الاسرار لاختها وشريكتها بالافراح والاحزان والصديقة والحنونة وكل شي حلو بحياتها فصعبة اسمع انو في خلاف او مقاطعة بيناتهن قلبي بيوجعني كتير
الله لا يفرق حدا عن حدا والله يجمع بين القلوب

سنديانتي كنت انا وماما متلك وبابا كان يضل يقلنا شو متل المراة وضرتها مع انو ما في اطيب من قلبها بس تروق
وخاصة بس صرت بعمر المراهقة بس وقت اتزوجت فهمت كتير اشيا انو من خوفها عليي وخاصة ما كان في فرق بالعمر بيناتنا كتير
هلئ بتضل خايفة عليي وبتضل تعبرلي عن مشاعرها وبتمنى يرجع فيني الزمن لافهم طريقة تفكيرها لكنت ما عذبها او زعلها مني ابدا


باقي الصبايا كيفكن اخباركن ان شاءالله الكل بخير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه