رد: استشاره
يعني سكتي 5 سنين على خيانته
وفجأه صرتي كارهته وذكرتي السالفه!
مو معقوله حبيبتي
بعدين
واذا تكلم فيك بالسوء لاهله؟
خير ياطير.. لانقص منك يد ولا رجل
الخطأ يركبه هو.. انتي مالك علاقه
اتركيه يتكلم من هنا للسنه الجايه
ولا تهتمي دامك واثقه من نفسك
اما مشاريعه الفاشله
فهذا شي يخصه.. ومحد معصوم من الفشل
اللي عليك انه يقوم بحقوقك
وحقوق طفلك من مصرف ومأكل ومسكن
اخر نقطه
وحسب مافهمت من كلامك
انك مو موظفه ولاعندك مصدر دخل
طيب تروحي لاهلك ليش؟
مين بيصرف عليك وعلى الولد؟
والا بتصيري عاله على اهلك؟
ياليت تفكري شوي بالمستقبل
واذا مقرره الطلاق
رتبي امورك اول
طوري نفسك
اطلعي من دائره فلان قال وفلان فعل
لا تضعي تصرفات زوجك تحت المجهر
توظفي.. حسني امورك.. ادخري مبلغ
بعدها انتي حرة