رد: زوجي ومشاكل مابعد الإنجاب
اقتباس:
المشاركة الأصلية كتبت بواسطة إستنكار
مريت باللي مريتي فيه مع اني ما تاخرت بالحمل
وندمانه جدا
واقول لك من تجربة
لا تنعزلين عن العالم بسبب اطفالك
شيء غير طيب اطلاقا لصحتك النفسية
لا تتركينهم عند العاملة
لكن وازني و ركزي مع اللي جالس معك وعطيه اهتمامك و انتباهك
لانه يبان اذا تفكيرك و كيانك كله مع الطفل و هذا شيء منرفز للي جالس معك 😊
اجعلي اطفالك مصدر متعة و سعادة مو مصدر هم و حزن
الاب مايحب اطفاله غالبا الا اذا كبروا و قاموا يتفاعلون معه
انا جربت اللي جربتيه والوم نفسي جدا على تلك الايام والله
فتداركي نفسك وخذي الموضوع بسلاسة و حصنيهم الفجر و المغرب و توكلي على الله
|
شلون ما أحطهم عند العامله وما انعزل عن الناس بنفس الوقت !!
هم بالفعل مصدر متعة الله يحفظهم بس ممزوجة بتعب وتعبهم طبيعي بس اللي مو طبيعي ان الناس ماتتقبل هالتعب وتشوفه مشكلة 😓
ان شاءالله فترة ونتجاوزها على خير
اقتباس:
المشاركة الأصلية كتبت بواسطة تركتك لله
زوجك ابن حلال
يبي يسعدك ويغير جوك شوي
وانتي الله يعينك
توأم وسنهم مره صغيره
احس اللي تمرون فيه عادي
ارتباك بعد الاطفال
بعد سنوات من الهدوء والراحة
ترى الرجل برضو تتلخبط مشاعره
لما يصير اب لاول مره
يحس بالمسؤوليه ويتوتر
وبعضهم مايقدر يخفي هالشعور
مثل زوجك
يحاول يقدم حلول
ويلقى حلوله مو مناسبه
نصيحتي لكي هدي
واستودعي اطفالك واقري عليهم
ودخليهم حضانه
اربع او خمس ساعات
ترتاحين فيها وتنامين
وبنفس الوقت يخف الحمل عليك
ودوام لا تداومين
لسى انتي مو مستعده للدوام
بس ضبطي حياتك
ولا تحسسي زوجك انك مجرد ام وبس
انتي ام وزوجه وصديقة وحبيبة
الله يحفظك ويسعدك
|
ادخلهم حضانة خمس ساعات !! وبيتهم وش كبره وعندهم عاملة ومو مضطرين
انت قد دخلتي حضانات وشفتي كيف وضعها
سبع اطفال في الغرفة مع حاضنة وحده وحالة وزحمة ونقل فايروسات وأمراض وامور الله لايضطرني لها اصلاً
كل يوم مع قهوة الصباح في غرفة المعلمات حديثهم عن مآساة الحضانات وشكواهم اللي توجع القلب
إن شاءالله مرحلة ونتجاوزها يآرب
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال