إذاً اصرف النظر أريح لك.
لا تفكر في حلول طالما لم يعجبك الشرط ورفضته، اصرف النظر لعلك تنساها لأن كثرة التفكير في الموضوع تحجمه بشكل كبير.

لا تشيل هم بنتك فالله سبحانه خلقها وكتب لها حياة لا يمكنك تغييرها والله خير حافظ.

انساها ومني نفسك في الغد، يعني كل ما حزنت قول لنفسك بكرا بيكون أحسن بكثير، وما تدري يمكن لما تشوفك ما تحاول، تتصل فيك وتقول لك برجع.

بس أنت لا تيأس ولا تسكر التفاؤل في وجهك يعني من غير المعقول إنك بتعيش طول عمرك تعيس وتتمنى تعيش مستقر بزوجة إلا يجي يوم بأمر الله يكون عندك زوجه واستقرار وحياة حلوة بعد إرادة الله ثم بعد عملك على نفسك من ناحية عدم التفكير وممارسة الحياة بشكل سليم

إذا كنت كثير التفكير اشغل نفسك بكل شيء تحبه واطلع مع أي شخص تستانس معاه للقهوة أو المطعم أو أي مكان تفضله ويوم عن يوم راح يسهل الموضوع ويصير لها جزء بسيط من اليوم تتذكرها فيه بعدين ما عاد يصير لها ذكرى.

هذا الحل الحالي والوحيد اللي بين يديك مع يقيني بأنك حاولت بإرجاعها ومحادثة أهلها بالطيب والهدايا والرضوة وبالنهاية كان الشرط اللي ما أعجبك ولو إني ما أشوفه عائق بل أشوفه اختبار لك وبرضو أشوف لو كنت ذكي كان استعملته بطريقة ذكية وخططت زين كيف تخليها هي تقول لك بعدين خلينا نطلع لحالنا.


المرأة بطبيعتها إذا حبت الرجل وين ما يروح ووين ما يأخذها تروح معاه ولو رجعتها وعشت معاهم وبعد كم شهر وريتها شقق مرتبة راح توافق تنتقل، لكن ما تدري لعله خير لك ولها وما تدري لعل الله يحدث أمرا.

الأهم ركز على نفسك وكيف تخرج نفسك من هم التفكير والحزن وحياتك بتكون أسعد وأروق حتى بيجي يوم تبغى تكتب شيء عنها بس ما عاد تحس الموضوع يهمك فماراح تكتب شيء.