اقتباس:
المشاركة الأصلية كتبت بواسطة زين ابيها
نعم ، الحمدلله على كل حال
مع ذلك هذا الوضع مُتعب لنفسية الزوجة التي ترى نفسها وتستشعر أنوثتها في جانب العطاء...
آنه مثلج .. ومثل وضعج ولكن بطريقة أخف
زوجي يحب يعتمد على نفسه في كل شيء
ما عمره قال لي عطيني قلاص ماي حتى لو انه كنت في المطبخ
وكان الشيء مزعج لي...
صرت لما اشوفه بيقوم يروح المطبخ اوقفه واقول له ليش تبي تدخل المطبخ.. فيقول مثلاً بشرب ماي فـ اسبقه واجيب له وهكذا..
خليته يعتاد إني اخدمه .. وأيضاً إذا أساساً باروح المطبخ اسأله فلان تبي ماي ؟
مستحيل يقول : اي
اذا فعلاً يبي يقول لي : كيفج اذا تحبين تجيبين
واذا ما يبي فيقول : لا
وهكذا قيسي على بقية الأمور
وبعد فترة اسحب ايدي شوي ، اختبر النتيجة هل اعتاد او لا..
واشوفه اعتمد علي إلى حد كبير...
هذا ملخص تجربتي لعله يفيدچ
|
الله يسعدك زين .. مثل ما اسعدني ردك
فعلاً احس هاشي يمس انوثتي ويشعرني بالإحباط ..
دايماً اتساءل مادامي موجوده فل تايم ومسخرة نفسي له وللعيال ليش مستغني ..!
وإذا فعلاً يهمه سعادتي ليش صعب انه يسوي ممارسات بسيطة جدا وتريحة
وتخليني اعيش حياتي براحة وسعادة وثقة ..
موب لازم يتحول تحول كامل لكن اقل شي يبدأ يغير الأشياء البسيطة بدل مانخسر
حياتنا وراحتنا ووقتنا واحنا في نقاش وتعب وضغط نفسي زيادة على ضغوط ثانية ..