المشاركة الأصلية كتبت بواسطة mimomea

وعليكم السلام ورحمة الله وبركاته
عزيزتي اول شي استخيري الله تعالى انو يقدملك كل شي فيه خير الك
وتاني شي ادرسي الموضوع منيح من كل الجوانب
وبالنسبة للعمر بيرجع لتفكير الشخص سواء الفتاة او الشاب
في اللي بيفضل وفي اللي بيرفض
وبالنسبة للأمثال الناجحة رح اعطيكي من محيطي ومر على زواجهن شي اكثر من خمسين سنة وشي اربعين
عمتو لبابا هيي اكبر من زوجها وصرلهن ما يقارب الستين سنة مزوجين وعندهن احفاد الاحفاد ومن سنة اتوفى زوجها الله يرحمه وهيي بعدها عايشة الله يطول بعمرها وعاشوا حياة كتير حلوة سوا

وفي عمو لبابا اتزوج زوجته اكبر منو ب6 سنوات وصرلهن 42 سنة متزوجين وماشاءالله متفقين ومتفاهمين وعنا اختلاط معهن منيح من نحن وصغار

وفي عنا ناس كمان بنعرفهن اتزوج زوجته اكبر منه ب12 سنة وصرلهن فوق ال45 سنة وحياتهم مستقرة

اما بالنسبة لهيدا الجيل كان معي زميلة بالمدرسة من عمري اتزوجت شخص بيقرب بابا اكبر منو بتسع سنين حارب كرمالها وحبها سبع سنين واتزوجوا من 4 سنين ولحد الآن شايفها وما مصدق ماشاءالله
وحتى اهله كتير بحبوها وما عندهن مشكلة بفارق العمر بعكس قبل كان رفضهن لصغر سنه وعدم تأمين نفسه
بس وقت شافوه سبع سنين مصر عليها وصار يكون نفسه للزواج وافقوا

وكمان بعرف كذا حالة في زوجات اكبر من رجالهن وحياتهم حلوة
بالاول والاخير هيدا توفيق من رب العالمين وارزاق
و دراسة كل شخص للتاني بكل صدق وشفافية
وبرأيي لتكون العلاقة ناجحة من بعد التوفيق من الله لازم يكون في مصداقية اثناء التعارف بين الشريكين

مش لازم يظهر الشخص مثالي وبعد الزواج بتبين عيوبه
اقل شي يحكي عن 80 بالمية من سلبياته قبل ايجابياته وهيك الشريك بيكون بيعرف اطباعه وكيف بيفكر وما بيصير في كتير تصادم بعد الزواج

اسال الله ان يرزقك الزوج الصالح
احترامي