حامل من واحد معايا في الجامعة
انا بنت عايشة لوحدي واهلي مغتربين برا مصر وانا بنزل طول فترة الدراسة انا في تاني سنة جامعة عندي 19 سنة اول سنة نزلت فيها مصر اتعرفت على واحد معايا في الجامعة وحبيته وكان بيجيلي البيت كان في علاقة بينا وكنت باخد حبوب مانعة للحمل ولما السنة خلصت سافرت لأهلي ولما رجعت على مصر تاني جالي البيت وقالي نتجوز عرفي بس انا رفضت علشان خوفت لو حد جه من اهلي يزرني يشوفها واستمرت العلاقة بينا ونسيت موضوع حبوب منع الحمل وبعد فترة اكتشفت اني حامل وقلتله قالي وانا اضمن منين ان دا ابني انت قاعدة في شقة لوحدك ومفيش اي حاجا تثبت ومرضيش يتجوزني او حتا يعترف بيه والاجهاض كان فيه خطورة عليا ومحدش رضي يعملهولي انا حاليا حامل في الشهر السادس وبطني بقت باينة لدرجة ان اصحابي في الجامعة بهزروا ويقلولي انت تخنتي كدا انت شكلك حامل انا بقيت بطني باربطة واشفط لجوا بس بقت بتوجعني جامد لما اعمل كدا وانا مش عارفة اتصرف ازاي ولما يجي وقت الولادة هعمل ايه وخايفة اقول لأهلي ياريت تساعدوني لأني هموت خلاص ومش عاوفة لو تمت الولادة هعمل ايه في ابني انا عارفة ان مشكلتي مش بسيطة وعارة اني استاهل اي حاجا تقولوها عليا بس ارجوكم محتاجة مساعدتكم