اقتباس:
المشاركة الأصلية كتبت بواسطة I'm Happy
فعلاً هي لما أوجهها و أصير أهاجمها أنه أسلوبها هذا يطفش تبداء بالاعتراف انه انا مو مقصر معها و اني الزوج المثالي ولكن تقول انها تطمح أني أكون أفضل وووو
مرات خلاص انا يكون مالي خلق الزعل و رفعت الضغط خلاص ما دام عارفه هذا الشي لا عاد تكررين هذا الاسلوب معاي ما احبه مع الاسف ما فيه نتائج...
و مرات تبداء بالتمسكن و انه انا جالس اتمنن عليها بكرمي او تعاملي معاها "بعد ما تشتكي من تقصيري" و انا هنا اقول أي نعم أنا منان و أسوء زوج بالعالم لا عاد تكلميني و اطنشها كم ساعة و ترجع هي تعتذر و بعد الاعتذار كالعادة بكى و تمسكن و انا ضعيفة و ما قصدي سامحني و انت العاقل و انا جاهله وووو
مع الاسف أنه أسلوبها هذا يمشي معاي أنا شخص متسامح و اطلب منها تتركني لحالي شوي ترتاح اعصابي و يصير خير و بالعادة ترجع الامور طبيعية "صح أني مو غبي أعرف أن هذه كلها تمثيلية لكن مالي و مال وجع الراس عندي اشغال و مهام و مسؤوليات كثيرة تحتاج انه أكون مركز فيها...
اللي تغير الان أنه خلاص أنا صرت ما أتحمل هذا الاستفزاز العاطفي حتى لو كان مرتين بالاسبوع يعني كل اسبوع يرتفع ضغطي بسبب زوجتي اللي مو مقصر معاها مو منطق صح ؟!!
لانه ببداية الزوج كنت أقول صغيرة تكبر و تعقل صح فيه تحسن بسيط بالمقارنة في أول سنة زوج لكن بعد تحملي لهذه الاشياء صار أقل بكثير...
أفكر أكتب لها رسالة أشرح لها اللي عندي و أحط لها ثلاث خيارات:
1- اشتكيها لأمها و تتعهد قدامها أنها ما تكررها و اذا تكرر معنتها اروح للخيار الثاني او الثالث.
2-الزواج بثانية و تجلس معززه مكرمه ببيتها.
3- الانفصال.
و فعلياً أي خير تختاره راح أنفذه...
عطني نصيحتك الله يرضى عليك و ابغى اعرف تحليلك للأمور من خلال كلامي
فعلاً أسلوبها معاي كأني أبوه المجبر على رعيتها و تحمل مشاكلها خصوصاً أنها مهمله في بعض الامور الاخرى اللي لحد الان متحملها...
مشكلتي أكره انه أكون شديد لانه نفسياً احس انها راح تسوي كل الاشياء اللي ابغى من دافع الخوف مني و أنا ابغى كل شي يطلع من القلب
و برضاها يعني ابغى أحس انها تسوي الاشياء اللي انا ابغى لانها تحبني و تبغى رضاي و ليس خوفاً مني !!!
هذه هي المشكلة ؟؟
|
أعرف أن عقلك كبير ولانت فاضي ولا عندك وقت للمشاكل والقلق ووجع الرأس وعندك أمور مهمة ماتبي كثير الخصام يأثر عليها.
البنت يبدو لي أنها كويسة، لكنها مثل الإنسان اللي يحتاج أحياناً يمرض علشان يعرف قدر الصحة اللي هو فيها ولا ينسى حجمها ويقدرها حق تقديرها.
لازم تسوي برنامج مؤقت لتحقيق الأهداف وهو برنامج الصرامة لمدة شهر، تضغط فيها على نفسك ويكون عندك استعداد لعيش روتين جديد، في حال أنها أعادت الموال ورفعت ضغطك ومدة بوزها، قلها ولمي شنطتك وملابسك وروحي أنتي ولولدي ارتاحي عند أهلك، وخلها تجلس كم أسبوع، إلين تعرف قدرك وحجم عطائك وقيمتك الحقيقة، وانسها هي والولد مدة مؤقت، وخل تعرف أمها أو حتى غير أمها بالسبب، ولو تدخلت أحد مباشرة لاترجعها بسرعها خلها أقل شيء أسبوعين بالبيت تصكك بها الجدران، صدقني بترجع صاحية ويمكن مفعول الطريقة هذا يمتد إيجابياً مدى حياتكم.
طريقتك جيدة في الورقة والتخيير، أعطيتك هذه الطريقة لأضعها خيار إضافي.