مهرة: شكرا مرة تانية على الرد
وكلامك صحيح يا أختي.. فعلا أنا اللي ألحيت عليها إنها تاخذهم وتقبلهم.. أنا نفسي اتوترت وارتبكت.. لكن هالموقف ذكرني بموقف أختي من شي كم سنة لما قلبتلنا البيت مناحة وأصرت إلا إنها ترجع هدايا خطيبها (اللي صار جوزها حاليا) لما قرر هو يفسخ الخطبة (مع إنه هو وقتها ما كان سائل عن هداياه ولا شي).. أبوي كان شايف إنه مافي داعي الهدايا ترجع.. لكن هي شافت فيها نوع من الذلة وإهانة الكرامة إنه هداياه تبقى عندها.. فأصرت وبالبكا والدموع إلا إنهم يرجعوا إله.. وفعلاً رجعوا.. أنا اتذكرت هالحادثة أمس وأنا عم بقرأ ردك.. ويمكن لو إنها رفضت هداياي بتكون قطعت الشك باليقين وإنها فعلا ما عاد بدها اياي.. ويمكن إنها فعلا ارتبكت..
على العموم أختي الكريمة الهدايا حلال زلال عليها وإن شاء الله تتهنى فيهم.. انا قدمتهم لإلها عربون مودة ومحبة ورغبة صادقة في الارتباط وعملاً بوصية الرسول الكريم صلى الله عليه وسلم: (تهادوا تحابوا).. وتركيزي عليهم (على الهدايا) في الموضوع هون كان فقط نوع من محاولة فهم وتحليل اللي صار مو أكتر.. وأظن أني توصلت للقرار اللي ارتحت له اليوم واللي راح اذكره في الأسفل
احترامي لشخصك الكريم وأتمنالك حياة سعيدة