يانيت كلامك عين العقل برجع اقراه مره ومرتين لاني بحاجته ايضا

حظي ترى انتي المحتاجه
ضامنه المستقبل ما تمرضين
ضامنه ماتحتاجين عمليه بالشي الفلاني
حبيبتي الولد الي بتعطينه رجل
لو ينام بالشارع محد نقد عليه
لو ساق اوبر ولا كريم الكل بيقول شرف
انتي المره الضعيفه المسكينه بمجتمعنا
خلي مالك لك ينفع

واذا مصره تعطينه دوري بنت محتاجه وعطيها
ولا ذوي احتياجات خاصه
ولا ارمله مو لاقيه توكل عيالها
ولا شايب نكبته السنين

مو شاب باول حياته بحجه انه عصامي
على اساس انولدنا وفي فمنا ملاعق من ذهب
كرفنا واشتغلنا وكبرنا انفسنا محد درنا عنا ولا حول لنا ريال
محد يبدا كبير
اصلا طبيعي يشتغل ويتعب في سبيل احلامه
طبيعي يستنى الوظيفه
طبيعي شاب باول عمره يكون نفسه

انا مابي اقطع رزقه ...واتوقع وجهه نظر الاعضاء مش راضين لكن خايفين من سالفه انه وزق ساقه الله له
لكن هذي وجهه نظري
اذا بتعطين هالمبلغ الكبير عطيه شخص فقير فعلا
لكن انتي بلسانك قلتي هو مو فقير
يعني هالمبلغ مش صدقه هديه
وتقولين قراري مش عاطفي
طيب انا ضحكت ولا تزعلي مني من وصلت لكلمه يسمي علي
تكفين وش هالدراما والعاطفيه
مشكلتك ياحظي رومانسيه وعاطفيه كثير
متاكده انك شفتي فيلم او روايه او في خيالك
تتخيلي هالشاب المكافح والتحويل الغامض واصله والرساله من مجهول بس اسمها وطلب تسمي عليه
وبعدين مت هالشاب وهل من جماعتك وهل بتعرفين سمى عليك او لا
ووش بيسوي بهالمبلغ
هل فيه مشروع بيبداه بهالمبلغ
بيخرنه بالبنك
بيتزوج فيه
بيصرفه ليمن يفرجها الله عليه بوظيفه
يمكن هالمبلغ لايقدم ولا ياخر في طموحاته
وهل بيعرفك من انتي بنته
يمكن يشك بدوافعك او يطلع عليك كلام

مدري يااختي ومثل ماذكرت مانبي نقطع رزق للولد
انا قلت الي يمليه علي ضميري انتي امراه مثلي لاولد ولا سند والسند ربنا سبحانه
فاخاف عليك من تقلبات السنين واعرف اهميه المال بحياتنا
لو ياتي وقت وتحتاجين محد بيدفع لك ريال صدقيني
استخيري واسالي رجل دين
واذا هالمبلغ ناويه فيه صدقه
اكفلي فيه ايتام كل شهر مشي لهم راتب الا ان ينتهي مبلغ 100 الف
اشوف هالفئه مستحقه اكثر ايتام وفقراء وارامل
الرجال شايل عمره