اللهم امين جزاكم الله خير
من ناحية موضوع الزواج انا سألتها قلت لها ليه كملتي معي اذا ماتبيني وكنت رفضتي من البداية وما سويتي فيني كذا ردت قالت انا مب رافضتك لشخصك بس انا خايفه وكانت تسأل وتستشير ومنهم الي خوفها وهم الاغلبيه ومنهم لا , فقالت اه ماتبي تتخذ خطوه وتجيها مشاكل بكره وهي الي اختارت .
من ناحية الاستنزاف المالي اكون صريح انه في بداية علاقتي معها كنت حاط هذا اول عقبه لي بمعنى انه اذا طلبت مني فلوس انتهينا الموضوع فلوس وانا جدا حساس بموضوع الفلوس ما احب احد يستغفلني , لذلك في بداية العلاقه و الى الان مجموع الهدايه ما تساوي شي وانا الي جبت مب هي طلبت بمعنى انها لمدة فترة علاقتنا لو هدفها الفلوس كانت سحبت علي من زمان.
من ناحية اهلها ابوها متوفى الله يرحمه ولديها اخت واخ وهم عائلة من الطبقة ما تحت المتوسطه وليست فقيره وهم من قبيلة ريفيه لديهم مزرعه مشتركه من جهة القبيله بأكملها . والديها متدينين وملتزمين بالتقاليد الاسلاميه , البنت ليست عائشه مع اهلها في نفس المدينه بل هي في مدينة اخرى بسبب العمل .(هي ذكرت لي تفصيل عائلتها , وانا جبت بعض المعلومات عنهم وفيه تطابق كبير بين كلامها و المعلومات الي وصلتني ).
ليست محجبه وطبيعة البلد كذا من جهة الامور الدينيه لديها خلفية كبيره في الامور الدينيه وهذي تعود لنقطة التربيه من جهة العائلة , ولديها تأنيب للضمير لنفسها بسبب امور الحجاب و (طبعا بناءا على كلامها ) و الامور الاساسية بالدين ملتزمه بها مع وجود تقصير منها .
من جهة اهلي ما اتوقع راح يقبلون بس هذي حياتي الشخصية وانا الي راح اعيشها , هم اهلي وكل شي بحياتي , بس انا بشري لي مشاعر ابي اعيش وانبسط بالحلال , ابي اعيش بختياري انا مب بخيارات غيري .
مشكلتي الحين اني احبها مب قادر اشوف احد غيرها ومافي امل اقدم على فكرة زواج وهي بعقلي لو نصف بالمئة ,مافي امل اظلم بنت اعيش معها وعقلي مع غيرها حرام وهذا ظلم لها ولنفسي . علشان كذا مدري وش اسوي حاليا عايش بس امشي دنيتي والايام تعدي وانا في حلقه مفرغه خايف من نهايتها اقسم بالله .

طبعا الحمدلله على كل حال من الاحوال , بس انا حاليا ندمان اشد الندم اني عرفتها وبنفس الوقت احبها ومب قادر اتخيل اني اعيش بدونها .

جزاكم الله الف خير