البنت ممكن تحب بصدق لكن تخاف تتزوج اللي تحبه
وهنا أقدر أعتبرها بنت ناضجة، لأنها قاعدة تفكر في المستقبل قاعدة تنظر لبعيد وتحط احتمالات وتتوقع.
أما اللي تتزوج اللي تحبه وماتخاف وماتقلق(خصوصا لو كانت بنفس وضع هذي البنت) أعتبرها مجازفة.
على العموم بعض البنات تقدر تتغلب على خوفها وتتزوج و بعضهم لا، وعلى فكرة مهما قدم الشاب ضمانات ماراح يقدر يشيل الخوف من قلبها، بيقل الخوف لكن راح تظل تخاف، الزواج مو شيء سهل وعاد لو كان من واحد خارج دولتها شيء جدا صعب.

وبالنسبة لصاحب الموضوع، برأيي لو وصل الموضوع عند أي أحد : إني ما أقدر أعيش بدونه، أنا أشوفه تعلق أكثر من كونه حب حب.
حاول تبعد عنها فترة وتشغل نفسك بعملك وماتترك لنفسك فرصة تفكر فيها، قيّم وضعك في البعد، أول يومين بتتعب أكيد لكن شوية شوية بيقل التعب و بيخف التعلق، تقريبا بعد شهر ولا بالكثير 3 أشهر بترجع شخص طبيعي، بعدها فكر بعقلك و قيّم موضوع زواجك منها و شوف الايجابيات و السلبيات و شوف نفسك هل مازلت تقول: ما اقدر اعيش بدونها !! ولا هناك حياة أخرى ممكن ماكنت تشوفها؟!