و زوحجي بعد ما سافرت
طلب مني اوعده ما عاد اتكلم بهالأمور لا معاه ولا مع غيره

طيب انا شفت و عشت و تأذيت .. ؟
لا خلاص هي راحت و انتهى كل شي ..

طيب و اللي عشته و اللي مستمرة اكتشفه

طيب بس أبغى أبكي لأختي
أبغى تنزل دمعتي لها بس ارجوك

اعرف انك تحبني و يعز عليك اللي صار لي
لكنك اساسا مانت مستوعب حجمه .. إنت بقرارة نفسك لا تزال عندك صورة أمك الأم المثالية الحنونة المكافحة
و انا والله ما ألومك و اتفهمك
انت حاول تتفهم ان هالعلاقة مختلفة اللي بيني و بينها
و قد يحكمها عدم الخوف من الله و الغيرة و الحسد و و
بحيث تنقلب الموازين
العدل معاك يصير ظلم معاي

نفسي بس توعدني ما اشوفها
ترحمني من اذاها .. تتعاطف معاي بقلبك والله ماعاد أبغى ردود افعال لا سابقا ولا مستقبلا
أبغاك بس ترحمني لما تشوفها تأذيني
انسانيا بس .. ارحمني انا لأني بشر مخلوق من دم و احساس و كرامة مثلي مثلكم والله
مانتوا مخلوقين من طينة ثانية و اللي يعوركم ما يعور غيركم

خفت على شعورك و راعيته وداريته كثير مع اهلي رغم انك عارف بقرارة نفسك انهم فعلا يحبونك لكن جنبتك كل المواقف اللي ممكن تفهمها انت خطأ و تزعل منها
ليش ماتسوي معاي نفس الشي
انتظر منك تجنبني المواقف اللي انا وياك متأكدين انها فيها جرح لي
نفسي ما تبرر
نفسي ما تتحرك عاطفتك بكل مرة تشوفهم يجرحوني و يهينوني فيها
وتقول لا ما يقصدون و و و تعطيني تبريرات تعورني اكثر من مواقفهم و تزيد علي
و بعدها تختمها بأنك تمنعني من الفضفضة او الشكوى لأحد آخر و إني أنسى .. كذا بكل بساطة
أضغط زر و أنسى !

يعني الحقيقة احترت ابكي على ايش
على الدرس اللي ألقيته على أهلي مرة عن صفة العزة و الكرامة و الإباء و رفض الظلم عند العرب
و كيف انا الدنيا بعدها بفترة بسييييطة حطتني بمواقف ماقدرت ارفض فيها الظلم او ادفعه لو ذرة عن نفسي

شخصيتي و قيمي و مبادئي كلها متعورة و تنتحب أكثر مني أنا