الحمد لله انا راضية بأي حاجة هتحصل المكتوب لا مفر منه
سواء كان بالرجوع او الانفصال
بس للتوضيح
مش هو الل طلب الانفصال
هو قال فيما معناه
ان انا المفروض اقبله زي ما هو
وان مفيش حد بيغير حد
وانه مش هيتغير الا بمزاجه مش بمزاجي
وانه مش شايف ان حياته فيها حاجة مطلوبة تتغير
المهم انه فاتح البيت بياكلني ويشربني
واني ارجع ونحاول نتغير
وان اهلي مش هينفعوني وان انا هخسر اكتر منه بكتير جدااا
كان ردي عليه
اخر كلام عندي ليك اني مش هرجع قبل التغيير
وكفاية معاملتك ليا الفترة دي الل تخليني افقد احساس الامان
رد قالي يبقى انتي الل اختارتي
قلتله ده اخر كلام انت لو شاريني هتضحي بأي حاجة
رد قالي الكلام لا هيقدم ولا يأخر اساسا بعد الل عملتيه لو انتي اخر واحدة في الكون مش هعيش معاكي ولا عايزك اصلا
قلتله تمام يبقى نخلص الموضوع بالود والاحترام
ومن بعدها كل الكلام تفاوض مع اهلي ان ماليش حقوق
ومن خلال كلامه انه شايفني انا الغلط وانا الل محتاجة اتغير وانا الل قصرت في كل حاجة وهو فاتح البيت وبس
مش زعلانة غير عشان هونت عليه كده وهو اكتر حد عارفني وفاهمني بس الواضح اني كنت واهمة نفسي
حتى لو السبب كرامته وانه ما يبقى رضخ لطلباتي انا في نظره ما استاهل انه يتنازل
انا سايباها لله ويحصل الل يحصل والله يعمل الل فيه الخير

__________________
لا حول ولا قوة إلا بالله العلي العظيم