فيه اشياء كثيرة ذكرتيها صحيحة عني
و فيه اشياء ب أوضحها لك
دور الضحية ماشوفه فيني ولا احبه
كذلك الخوف من الوحدة الحمدلله متصالحة مع هالشعور
كذلك غضب مكبوت من امي لا
لكن خوف منها الحقيقة و من عدم رضاها عني و انها اذا ما رضت ب تكشر بوجهي
و هالشي يعني اني بنت فاشلة عاقة و يمكن ربي ب يبلاني بناتي و و تفكيري ما يخلص ..

لكن صحيح كلامك عندي قل استحقاق ماحس استحق اي شي كبير منه و سببه
اني ارحمه مابي اتعبه مابي اكلف عليه
والله ماعاد اعرف هي قناعاتي صح ولا غلط

كذلك عندي عقدة المثالية
و عقدة ارضاء الجميع و حب الجميع
و اني لازم اعيش بدون عداوات او مشاكل مع الكل

عقدة اني لازم امشي وفق المعايير المطلوبة
في المدرسة الشطورة هي اللي تجيب درجات عالية و تسمع كلام المعلمة و تجلس قدام و و
فهمت هالشي من معلماتي و مشيت وفق معاييرهم
و كل شوي يختاروني الطالبة المثالية

قيسي عليها كل شي بحياتي

دخلت زواجي
لازم اكون بنت الرجال المطيعة اللي تسعده اللي ترحمه ما تكلف عليه
الزوجة الصالحة هي اللي تكون مرتبة طول الوقت
بيتها نظيف و ريحته حلوة
تسمع الكلام ما ترادد
اطفالها مرتبين و تنشئهم تنشئة صالحة
الاكل قبل يجي الزوج موجود

ابكي لي اسبوع من سؤال واحد
انا يا مجتمعي و يا حياتي و يا دنيا
مشيت على معايير الزوجة الصالحة المطيعة
ليش انهارت حياتي و فشل زواجي ؟
مو المفروض احصل زواج مثالي و حب اسطوري

لكن انا حتى حب حقيقي عادي ما لقيت

ماعاد اعرف ايش الصح و الغلط

لما اقولك زوجي عاش معاي 5 الى 6 سنين
كل مشكلة يدخل ناس للصلح
في كل مرة يقول مافيها اي عيب

طيب ليش يفشل زواجي

عرفت ان الاسباب كلها داخلية
و تعرفين هذا محزن اكثر اكثر اكثر ..

الحين حتى في بيتنا
السنعة هي اللي تكرف و تسوي كل شي ب يدها و ماتريح نفسها
لازم انام و انا احس مفاصلي ب تتقطع
كذا انا خذت الدرجة الكاملة من امي

خواتي ماهمهم هالكلام و المعايير و ماشيين باللي يريحهم ولا يضغطون على انفسهم
انا الوحيدة المجتهدةً

ترا والله مو هذا تقييمي لنفسي عن نفسي
هذا تقييم المحيطيين

سويت عزيمة كبيرة قبل اسبوعين
عزمت بنات خوالي و اعمامي و صديقاتي
و طبخت كل الاكل ب يدي
كنت ابغى أقول لأمي برسالة غير مباشرة
انا شطورة افتخري فيني
شوفيني سنعة

انا الحين تعبانة اكتب و انا مرهقة من كل شي
احتاج اغير كل شي ..
كتبت لكوكي قبل عيوبي كلها داخلية و انا عارفة هالشي و متاكدة منه
لاني اسمع الكلام و ما اجادل ولا اعاند زوجي و مرتبة و احترم اهله و اسكت لهم حتى لو اهانوني
و اكتم بقلبي
كنت ابغى العب دور الزوجة الصالحة العاقلة اللي شارية بيتها لآخر رمق
والله انهم سووا فيني مصايب
والله انهم سووا فيني مصايب

و مشيتها عشان زواجي يصير مثالي بدون مشاكل و ما يكرهوني
و يحبني زوجي و اكبر ب عينه و و
ولا حصلت اي شي

انا لله و انا اليه راجعون

__________________

الحمدلله على قضاء يقربني من الله عز و جل.