انا مو قادرة اثبت انه حاضر
نسبة 80٪ انه حاضر بس ماقدرت اثبتها عليه
دخلت ايميلاته ماحصلت
دخلت موقع التذاكر ماحصلت تذاكره
قلت ممكن اشتراها بالسوق السوداء
رحت للايميل وتتبعت رسايل البنك ع افتراض انه حول لشخص، برضو ماحصلت
لكن ماعرفت كل ايميلاته، ايضا ماعندي سلطة اني ادخل ع تطبيقات الشراء والتحويل مثل اس تي سي باي او يور باي. فحتى هنا مو متأكدة.

انا حرفيا كاشّة وكارهته وكارهة اني جالسة اغلي ع الفاضي
بس مشاعري سيئة حتى هو لاحظ ، لاول مرة يسألني انتي تحبيني؟
فحتى هو حاس بنفوري


قبل كم يوم كان فيه مشكلة عندي بالعمل وكنت مكتئبة
شافني قال خلينا نطلع انا وانتي
طلعنا نتعشى
وقت العشاء قلت انا محلمة فيك حلم قهرني ( هو عنده فوبيا من احلامي وانا وراثةً احلامي تتحقق وهو يعرف فأحلامي بالنسبة له لها قدسية 😂 )
قال ايش اكيد متزوج عليك هذي احلامكم
قلت لا
قال اجل مسافر مع ربعي
قلت لا
مسوي شيء من وراي مستغفلني .
وتعشينا بجو متكهرب

بس انا اكتفيت؟ هيهات 😂
واحنا راجعين للبيت كان يتكلم ويشغل لي اغاني قدييمة ويقول لي قصصها
وانا أطبخ واغلي وساكتة
لما قربت من البيت سكرت الصوت والتفت عليه
قلت تراني محلمة مرتين وانت تعرف احلامي
قال صاحية انتي؟
قلت ايه صاحية
فـ الحين هو الوقت المناسب انك تعترف
قال ماسويت شي
قلت لا تذكر
شيء صار قبل ثلاث اسابيع
قال ماصار شي
قلت يوم الجمعة .
اسكت قال ماذكر
قلت ع العموم لو انت راضي انك تستغفلني اقسم بالله مارح اسامحك . كل شيء ولا الاستغفال

ونزلت للبيت
انتظره يدخل مادخل جلس بسيارته حول النص ساعة ( اول مرة يسويها )
لما دخل توقع اني نايمة شافني جالسة ع السرير التفت بسرعة وانحاش طلع 😂 راح للسبر ماركت ؟! اوول مرة يسويهت

فهالشيء اكد لي لانه جدلي جدا ومستحيل يسكت لما يتم اتهامه ، لكن سكوته وخوفه أكد لي.

ومارح اسكت لسه راح اتحين وقت وراح اصعد الموضوع جدا وبهدد بالانفصال لاننا مانصلح لبعض وما اقدر اتقبل زوج طايح من عيني
وهذي افكاري حاليا
اذا شخص ماعنده حدود دينية راح نستمر
والعقل يقول ننفصل الان مع طفلين ولا بعدين ومعانا 3 او 4 .. صح!
لاني فعلا ابغى زوج محافظ من اهم شروطي زوج عاقل ويعتمد عليه
وللاسف مو قادرة اشوفه بهالنظرة

__________________
سبحان الله وبحمده ، سبحان الله العظيم