المشاركة الأصلية كتبت بواسطة hamam129 بسم الله الرحمن الرحيم جزاك الله خيرا الأخ الفاضل محمد الشرقاوي على الهدايا الثمينة، وتلك الكنوز العظيمة وأعتذر لتأخري في الرد (كنت مشغول و سعيد برجوع الهنوف لزوجها وشاركت معها ومع الأعضاء الفرحة) .

الله يجزيك ألف خير أخى همام على المتابعة ..وأنا اللى أعتذر على تأخرى بالرد
ويمكن شفت الاستفسار حقى عن عدم امكانية الدخول للمنتدى الا بعد 100 محاولة
وجزاكم الله ألف ألف خير انت واخوانك على مساعدة الأعضاء فى حل مشاكلهم
وألف مبروك للأخت الهنـــــوف بالرجوع لبيتها .. وعقبال كل أخت زعلانة مع زوجها .

أخى همام مصر قريبة منكم .. يعنى لو مرة أو مرتين فى السنة كويس جدا ..
ومفيش حد ما يحبش السعودية .. أنا رحت حج أيام كنت أعمل فى الامارات ..
لا تتصور الراحة النفسية اللى كنت فيها خلال تلك الفترة .. خاصة فى المدينة
المنورة .. شئ لا أستطيع أن أصفه .. الأخوة السعوديين يعيشون فى نعيم
والله .. يكفى عندما تكون متضايق انك تروح مكة أو المدينة .. والله تنسى الدنيا .

واذا كنت تبحث عن التوازن النفسى
اليك موضوع الأخت مسموسى ( صور من بلادى .. الأماكن المقدسة )

( آسف مش هقدر أحط الرابط لأنى داخل المنتدى بطريقة عجيبة لغاية ما نشوف حل )

وعلى فكرة والله أدرى ان حضرتك من مصر من أول يوم سجلت فيه هنا ..
لكن بصراحة كنت أظن أن حضرتك من الصعيد ( أولاد عمنا احنا الشراقوة )
وسعيد جدا جدا بتواصلك معى واهتمامك بهذا القسم عن طريق التوعية ..
وشاكر لك مرورك .. بارك الله فيك وجزاك كل خير ..

خالص تحياتى
محمد الشرقاوى