الله يوفق جميع اللي دخلوا على الموضوع ولايحرمهم الاجر ووالله ثم والله الذي لااله الاهو اني محتاجه لدعائكم فلا تحرموني منه ابقولكم وش صار معي بعد ثماني ايام من الاستخاره والاستشاره طبعا استشاره انسان عرف بالصلاح وهو شيخ وداعيه لم استطع العيش في البيت فعندما رجعت من المدرسه جمعت كل اغراضي واغراض ولدي الصغير بس ووالله اني وانا اجمعهن مالي اي نيه اني ارجع لاني احس اني اقتنعت ان مافيه حل الا الطلاق المهم ناديت اخوي وقلتله اني ما اقدر اعيش معاه لاسباب احب اني احتفظ فيها والله اخوي ما حاول انه يضغط علي لمعرفة الاسباب لانه عارف انه انسان مهوب سوي ...المهم رحت لبيت اهلي وقابلني ابوي بابتسامه وقالي خلاص يابنتي طاب خاطرك منه قلت ايوالله يابوي وطبعا زوجي شاف الاغراض وهي مجهزه وكان عارف ان اخوي بيجي ياخذني والله ماتكلم بكلمه وحده بالعكس صلح شاي وفتح التلفزيون وجلس يطالعه الى ان حان وقت جية اخوي طلع من البيت وبعد اربع ايام من روحتي عن البيت والعيال كل يوم تبكي متى ترجع ماما اتصلوا فيني اهله كل هدفهم يبغون يعرفون سبب المشكله فرفضت اطلع احد عليها وتفاجئت فيهم يطلعون علي كلام انا ماقلته ولااهتميت واتصل ابوه وقالي علميني سبب طلبك للطلاق ولا قومي الحين وارجعي لبيتك احنا ماعندنا طلاق ولا كلام فاضي عيب عليك تهزين مركز العائله بطلب الطلاق........مااهتميت لكلامه وقلت تفاهم مع ابوي او اخوي المهم بعد يومين اتصل علي اخوي وقالي ان زوجك ناداني اليوم عنده في البيت وقالي ان اختك شكاكه وعلمه عن المشكله بس من جانبه هو يعني انه بريء بس انا اللي احب المشاكل وقاله ان ابوي يلح علي انو يعرف المشكله او اني ارجع اختك اذا تبغا ترجع انا مستعد اكتب لها نصف البيت بس ترجع وطبعا انا اعرف زوجي يخاف من ابوه خوف شديد جدا جدا جدا وهو خايف انو احكي لابوه المشكله فهو يروح فيها يمكن تقولون ليش ماحكيتي لابوه ببساطه لان ابوه مثله وجربته مره وحرمت ماخلا احد بالعائله الا وفضحني عنده فخلاص توبه اقوله اي شي وبعدين لاني انا اكثر وحده اعرف مشاكلي واعرف زوجي فاذا كنت ناويه على الطلاق وشوله افضحه على الاقل علشان سمعة اولادي اللي قلبي يتقطع عليهم والله اهلي شايليني على كفوف الراحه بس احس انو عيالي ضاعوا من طلعت من البيت وانا اخشى ان معاملة اهلي تتغير بعد الطلاق خاصة وانا رفضت العرض اللي عرضه علي واصريت على الطلاق وهو لاحس ولاخبر ويمارس حياته احسن من اول يسهر يطلع يستقبل ضيوف في البيت ويطلب من العيال ينامون بدري علشان ياخذ راحته واذا سالتهم تابع واجباتكم المدرسيه يقولوا ابدا المهم انا ابغى منكم توجهوني التوجيه الصحيح ترا والله مالجئت لاحد بعد الله الا انتم انصحوا فمالي اخوة سواكم يااصحاب الراي والمشوره انا في حيره واستخير في اليوم اكثر من مره ولي الحين اسبوعين في بيت اهلي بارك الله فيكم ورزقكم الفردوس الاعلى