اهلا بك اخي ع ديل السيف معنا في منتدانا الأكثر من رائع..
اولا ماشاء الله عليك وراك ماخذ صورة عن نفسك كذا!
لو انت بالصورة اللي قلت كان ما اكتبت في هذا المنتدى
وبعدين ما انت اولا ولا آخر انطوائي يتزوج.... فلا تعتبر هذه الصفة من موانع الزواج..
اتمنى انك قبل كل شي تغير فكرتك عن نفسك ...لانها هي اللي حطة بينك وبين الحياة حواجز..
شي ثاني انت مانت طالب ولا موظف؟
لابد ان تكون واحد منهم!
لازم تتوظف حتى يكون لك مصروف خاص...تنفق منه على زوجتك...
وطبيعي الوطيفة تجعلك تحتك بآخرين رغما عنك....حتى لو انتانطوائي العمل يجره للكلام معاهم..وانت عاد حاول تكسر هذي الصورة اللي في نفسك وشوي شوي تدخل مع الناس تسالهم عن موضوعات مختلفة..
صداقاتك..مثلا حاول توسعها.....او تزيد من ارتباطك بهم... كثر من زيارتهم..الاتصال بهم...وهكذا...
بعدين فيه كم كلمة كذا تحتاج لمناقشة...
بالنسبة.. لاتقول لنفسك متخلف أبدا!!! انس هذه الكلمة من قاموسك...لان هذي الكلمة تحطم الانسان وتدمره! والرسول صلى الله عليه وسلم نبهنا اننا نراعي انفسنا في كلامنا معها... فنهى ان يقول الانسان خبثت نفسي ولكن يقول قعست نفسي!
شوف الدقة كيف؟ وانتالله يصلحك تقول فاشل!! كذا مرةو حدة!
الشي الثاني..[إنت إنسان فاشل متخلف تنظر في الحرام وتبغى الجنة إنت وين الحور العين وين ..]
يا أخي لا احد يدخل الجنة بعمله!! يعني شفت هالصائم القائم..ماراح يدخل بعمله يدخل برحمة ربي,,, فلا تتصور ان الجنة بعيدة عنك بسبب ذنب او عشرة... الرحمة ممكن تنزل لاي انسان! اذا كان ا لشيطان اللي هو الشيطان!! ابليس ما غيره,.،، اذا جا يوم القيامة و سمع ربي كيف ينزل الرحمة على الناس! تطاول بينهم!!! شفت كيف؟
الشيطان من كثر ما يشوف ان ربي ينزل من الرحمات يتصور انه بينال منها شيء!
فكيف بمسلم مصلي يدعو الله ليل نهار ويستغفر من ذنبه _ان شاء الله انك كذا-!
اكثرمن الاستغفار وربي يهديك..
بعدين المواقع الاباحية...ما تبغالها محاولة... يبغالها حزم!
اعزم انك ما تدخلها واذا كسرت حاجز الخوف من الناس راح تقدر تتوقف عنها بسهولة..
يا أخي اذا قمت تصلي التهجد بدل ما تدعي انك ما تتزوج..ادع ان الله يفك عنك هذه المشكلة وتتزوج وتتعبد ربي بالزواج..فتجمع سعادة الدنيا والآخرة!
والا اناغلطانة؟
آسفة على الإطالة بس حاسة باقي كلام كثير ما قلته ....مرة ثانية..!
وايضا مع اعتذاري للأخ اتصور مكان الموضوع عالم مفتوح..حتى تكون المشاركات اكثر...