اقتباس:
|
المشاركة الأصلية كتبت بواسطة (أم جمانة)
بصراحة شكلها تفتح الناس بإذن الله أجربها وأرد إذا عجبتني والا لا...
بس عندي سؤال دائما محيرني
إحنا عرفنا من موضوع لك سابق انك تشتغل في مكتب............يعني مو طباخ...
فماأدري هل أنت تقول لأم ثنيان إرتاحي اليوم وطبخكم عليّ؟؟؟و تجهز حلى بنفسك؟؟
والا إنك كل ماسوت إم ثنيان شيء قلت لها وش طريقته ووش هي مقاديره؟؟؟وجيت كتبته لنا....يعني بالعربي لاطشها؟؟
أو إن هذا من مخلفات العزوبية وأيام التعب والطبخ والنفخ؟؟
أختار إحد الخيارات وممنوع الإتصال بصديق
السموحة بس اللقافة مثل مايقولون (فن وثقافة) وأنا بصراحة أبغى أتثقف.......وسلامتكم.
أم جمانة
|
اختي الفاضله ام جمانه ولا لقافه ولا شي من حقك تسألى
اولا ياستي انا معشت حياة العزوبية بمعناها الحقيقي ، تزوجت وانا طالب
من صغري وانا في المطبخ بديت مقشر ثوم وبعدين ترقيت الى مقطع بصل وبعدين بداء يعتمد على في زيادة الماء تقليب تحريك وشوي شوي ولكن الاهل اكتشفو مقدرتي على الطبخ وانا عمري 13 سنه واتذكر اول طبخه لى هي السليق وهاذي لها سالفه طويله
بخصوص زوجتي بالعكس انا احيانا اللى اسويلها طبخات اذا كان عندها عزيمه او كانت مشغوله والوقت ما يخدمها بخصوص الحلويات للاسف انا ماني جيد في ظبطها ممكن الكيك والجبنيه البسبوسه بس ماهو ذاك الابداع بس امشي الحال انا احب واتفنن في الاكلات البحريه ، العصيرات ، لو يوم سويتلكم عصير رز لا تستغربو 
في البر طبعاً مافي غير الكبسه والقصديره وفي الشوي اعجبك لان نصه مااكول قبل مايوصلهم.......ومعروف عند الاهل انا ملك القلي بس ماني متاكد هم يلعبون على او صدق يعجبهم قلييء
مدري اجابتي كافيه او مازال هناك غموض
__________________
التعديل الأخير تم بواسطة ابوثنيان ; 16-03-2005 الساعة 01:47 PM