بسم الله الرحمن الرحيم
بداية احب اهني الجميع بمناسبة شهر رمضان الكريم ( والله يعيده علينا وعليكم باليمن والبركات )

هذي اول مشاركه لي في هذا المنتدى الراقي ( ولو ترك لي تصنيف المنتديات ) لصنفت منتداكم بالقمه بدون اي منافس وذلك لما يضمه من نخبه عاليه من الاعضاء المميزين في ادائهم وفي اسلوبهم الملفت في حلول المشاكل واعطاء النصائح .

انا بالعاده اجي ادخل الموقع واتفرج عالمواضيع واشوف كيفية التعامل مع الزوجه وكيفية التعامل مع المشاكل وامور مختلفه

لكن اليوم حبيت اطلب طلب صغير ( ويا ريت اخواني وخواتي في هذا المنتدى الطيب انهم ما يبخلون علي بالنصايح والحلول )

مشكلتي هي

انا شاب ابلغ من العمر 22 سنه ادرس في الولايات المتحده الامريكيه ومتزوج من سنه ونصف ولدي طفله ( زي القمر ) , لم استطع احضار زوجتي ( معليش انا بقلب لل لهجه العاميه لاني مب متعود اكتب باللغه الفصحه ) ما قدرت اجيب زوجتي لان الامور ما كانت مرتبه عندي ولان مرتي تدرس بالجامعه وان شاء الله راح تخلص الكورس الجاي وراح اجيبها بعد ما تخلص دايركتلي .
ولله الحمد ما حصلت بيني وبين زوجتي الا مشكله واحده وبفضل اله تجوازناها , لانها كانت مشكله ربما بسيطه . طيب ( المشكله وين ) المشكله هي اني ابي انضم النسل يعني ما عندي خلفيه عن كيفية تنضيم النسل ( اول ما تزوجنا ما كنا نبي اعيال ) ولكن بعدها قلنا لازم يكون بينا قطو اصغير يزعجنا بالليل والحمدلله جات بنووووته . ولكن الحين اذا ابي اجامع زوجتي ( اجامعها عادي ولكن لما اوصل لمرحلة قبل التفريغ ) ما افرغ في الداخل وهذا خوفا من حدوث الحمل . لاني بصراحه مابي طفل اللحين
تونا اصغار عاليهال . وطبعا كل رجال ما يبي هالفتره تروح عليه ( يعني فتره انك تفرغ داخل ) ولكن شسوي ( مابي اطفال اللحين ) فاطريت اني دايما افرغ داخل ,,,, والحين انا في الغربه ولكن برجع خلال شهر فما الحل ؟؟؟ كنت اسمع قبل الزواج انك اذا تبي زوجتك ما تحمل ( بعد ما تخصل من مرحله الجماع ) تخلي زوجتك تقوم وتمشي بالغرفه لمده دقيقه دقيقتين وذالك بمساعتدك

سئلت بعض الناس ( قالوا الحل الوحيد هو ان المره تركب لولب ) ولكني متخوف منه ( اخاف يكون سبب في العقم ولا شي .
والبعض يقول انه على حسب دورة المراه ( في ايام يكون فيها التلقيح لا يؤدي الى الاخصاب فاستقلها ) بس المشكله ان الدوره تختلف من شهر الى شهر ,

فلو سمحتم انكم تعطوني ارائكم وتفيدوني بايش الحل لتنضيم النسل وكيفية ذلك ؟؟

والف شكر لكم على كل جهودكم المبذوله في خدمة الجميع


واسمحلولي على الاطاله