عزيزتى هنوف مش عارفة اذا كنتى قريتى مشاركتى اللى اشتكيت فيها ان زوجى على علاقة ما بزميلة لة فى العمل لدرجة انها بعتت لة ايميل يبدأ ب حبيبى وبعدة اسم الدلع بتاعة ... انا قريت الايميل بعينى ولكن عملت نفسى مش عارفة حاجة وكلمتها هى مسحت بكرامتها الارض وفشيت غليلى فيها ...لكن معاه هو كنت فى قمة الضعف وكانى نهاية حياتى انى اسيبة وانى باحبة وبغير علية وبعد فترة وبعد ما قلت لاختة الكبيرة وهى تدخلت اصبح اسم زميلتة دى فى البيت ... الصرصارة .... حتى هو بقى يطلق عليها هذا الاسم .
عالجت المور بالاستضعاف والدموع والدلع وليس بامواجة وحط اصبعى على الجرح والضغط .
الرجل مهما غلط فاكبر حاجة عندة ان مراتة تعرف انة غلط وتواجهة . صعدتى الامور بسرعة وانا حاسة بيكى لانى كنت فى نفس الموقف لكن يمكن انا ربنا نزل على قلبى السكينة لان زوجى كان فى الوقت دة فى بلد تانية ولم يكن ينفع المواجهة .
عزيزتى تراجعى قليلا حتى لا تخصرى حقك . كان لازم تتاكدى اولا من رقم التليفون وساعتها توقفى الصرصارة بتاعتك دى عند حدها وهو ساعتها كان هيعرف انك عرفتى بدون مواجهة . انا شايفة انك تشوفى حد من عائلية او عائلتك رجل او سيدة تتوسمى فيها العقل وحسن التصرف وتعرضى علية الموضوع .
اسمعى راية او رايها و اقعدى مع نفسك وقررى انتى عايزة اية . لو كل البيوت اتخربت بسبب حاجة زى دى مافيش حياة زوجية هتستمر ابدا . مع العلم انة انا ماعنديش اولاد يعنى طلاقى لم يكن ليؤذى احد غيرى . امتصى غضبة الان وهو اكيد لما هيراجع نفسة هيعرف انة لا يقدر يستغنى عنك . الرجال يلفوا يلفوا لكن عارفين ومتاكدين اننا زوجات صالحات ونساء ليس لنا فى العك بتاع الصراصير بتوعهم ولك منى الدعاء ان يهدى سرك ويهدى لك زوجك.