بدي اسال سؤال مهم جدا عن غشاء البكاره ... ارجو الرد
صباح الخير
ان شاء الله يكون الكل باحسن حال مش متل حالتي انااليوم
ياجماعه رح ادخل بالموضوع عطول
انا بنت لا متزوجه ولا مخطوبه وعمري 20 سنه
اليوم الصبح اول ما صحيت حسيت حالي متضايقه كتير
معلش لا تلوموني على كلامي لاني رح اجن
لما دخلت ع الحمام الله يكرم الجميع
حسيت كانو في شي معلق ومو راضي جد يطلع
لما ضغطت على حالي شويه
مش ضغط لا يعني بس متل ما بتقول لحدا اضغط
نزل مني شي هلامي شفاف وهادا عادي عطول بينزل
وبعدين نزله معه شويه دم
دم يعني مش متل دم الدوره
اصلا مش موعد دوره بس نزل مني هالشويه الدم مخلوطه مع هادا الشي الشفاف
وبس
وخلص ولا في اثر لجرح ولا في اثر لدوره ولا في اثر التهاب
انا خايفه ليكون هادا غشاء البكاره الي نزل
يالله لو كان هوه الي نزل اكيد رح ينقضى على مستقبلي وانا ما لي ذنب
ولا حاسه بايا شي ولا بطني عم توجعي ولا شي عم يوجعني ولا رد نزل شي
معقول يكون غشاء البكاره لها الدرجه من ضغطه خفيفه نزل
انا مابخبي عليكم قبل يوم كان في عنا وحده متزوجه
وصارت تحكي عن الجنس وهيك اشياء
وانا متل ايا حدا بيسمع هيك كلام صار عندي شويه افرازات
قولولي مشان الله ممكن يكون هوه
واذا ما كان هوه شو هادا الدم الي نزل
وكيف بعرف انو انا لسى غشائي بمكانو وماصرلو شي
يا جماعه مشان الله في مشروع خطبه بعد كم شهر
انا الافكار صارت تاخدني وتجيبني ولا بدي افضح حالي مع الناس
خصوصا انو الناس الي رح يتقدمو عقليتهم شوي قديمه
ارجوكم بس قولولي ممكن يكون غشاء البكاره الي نزل
ولا لازم يكون ايا شي صلب هوه الي ينزلو ومابينزل غير بالايلاج
معلش سامحوني ع اسلوبي لكن والله رح افقع ورح اموت من البكا
شو ارجوكم تردو عليي
وماحدا يقلي روحي عند دكتوره لانو اهلي مابيرضو
وامي مابتعرف انو انا بعرف شي عن الجنس
عبالها انو انا لسى صغيره ومابعرف انو حتى في غشاء بكاره
ويارب يوفقكن لو بتريحوني وبتجاوبو
بانتظار الردود
التعديل الأخير تم بواسطة LittleLulu ; 26-03-2005 الساعة 12:23 AM