الحياة جزر ومد ويوم لج ويوم عليج انتي عليج بتسوين كل الي يحتاجه زوجج بكل الي تقدرين عليه مو فوق طاقتج طبعا بس هذا المطلوب منج اتجاه زوجج مو مطلوب منج تبعدين عن زوجج !! ..اتغلين اي لكن تبعدين ليش واصلا وايد قريت بالمنتدى يقولج حتى لو زعلانه منه لا تطلعين من الغرفة وتنامين بره ...
بالنسبه لشك طبعا مالج حق تتصرفين الا لما تقطعين الشك باليقين ساعاتها وحسب علاقتج بزوجج تقعدين معاه وتفاهمين وتشوف ليش اصلا لجأ للشات وكلم بنات وقبلها تشوفين نقاط الضعف الي فيج لهيتي عنه انشغلتي عنه بشي ماتدرين عنه قل اهتمامج فيه كل هذي تخليه يدور البديل ...
عليج تلغين فكرة البحث عن بديل انج تكونين موجوده بكل وقت الفرح الحزن تعززين علاقتكم بالحب بالاحترام بالتقدير تثنين على كل شي يسويه تشكرينه حتى لو شي بسيط تمدحينه ودايما تفتخرين فيه بين اهلج هذا يخليه يحطج على راسه وبتشوفين معاملته معاج بالمثل ويمكن اكثر ... :14:
بالنسبة حق الثقة لازم تثقين بزوجج انتي جذي تخلينه ما يفكر يخونج اصلا وتكونين بجذي مرتاحه خليج واثقة فيه ودايما يكون التعامل بينكم بحسن النية انسي الشك يوديج ببحر مشاكل ماله اول ولا تالي ...
هذا الي عندي ان شالله اكون فدتج حبيبتي وإذا في أي نقد أو تصحيح ما عندي أي مانع يقدرون أخواني يردون عليج ويحاولون يساعدونج بلي ما قدرت أساعدج فيه ...
سلام ياقلبي...

__________________